(vovworld) – ກ່າວຄຳເຫັນໃນລາຍການໂອ້ລົມສົນທະນາການເມືອງຂອງຊ່ອງໂທລະພາບ Russia 1 ໃນຕອນຄຳ່ວັນທີ 2/3, ທ່ານຮອງລັດຖະມົນຕີການຕ່າງປະເທດ ລັດເຊຍ Grigory Karasin ຊີ້ແຈ້ງວ່າ: ລັດເຊຍ ບໍ່ມີວັນທີ່ຈະມີເຈດຈຳນົງລະເມີດອະທິປະໄຕຂອງ ຢູແກຼນ ແລະ ບໍ່ມີຊາວ ລັດເຊຍ ຜູ້ໃດຢາກດຳເນີນສົງຄາມກັບປະເທດບ້ານໃກ້ເຮືອນຄຽງທີ່ສະໜິດສະໜົມນີ້. ລັດເຊຍ ກໍ່ຄັດຄ້ານທຸກໆຄຳຖະແຫຼງໃດໆເພື່ອປຸກປັນຄວາມອາຄາດບາດໝາງ, ກໍ່ຄວາມຂັດແຍ່ງກັນລະຫວ່າງ ລັດເຊຍ ແລະ ຢູແກຼນ ພ້ອມທັງສະໜັບສະໜູນທຸກໆກຳລັງທີ່ມີເຈດຕະນາດີເພື່ອເພີ່ມທະວີການພົວພັນ 2 ຝ່າຍ. ລັດເຊຍ ຢັ້ງຢືນບັນຫາຜືນແຜ່ນດິນອັນຄົບຖ້ວນຂອງ ຢູແກຼນ ຢ່າງສົມບູນ ແລະ ຈະໄດ້ຮັບການແກ້ໄຂ ແລະ ຕ້ອງໄດ້ຮັບການແກ້ໄຂທາງພາຍໃນດ້ວຍຄວາມສະໝັກໃຈບົນພື້ນຖານເຄົາລົບນັບຖືປະສິດທິຜົນຂອງປະຊາຄົມ ຫາກບໍ່ແມ່ນການບັງຄັບ.
ແລະກໍ່ໃນວັນດຽວກັນ, ໃນ Facebook ສ່ວນຕົວ, ທ່ານນາຍົກລັດຖະມົນຕີ ລັດເຊຍ Dmitry Medvedev ຖະແຫຼງກັບວົງການການນຳປະຈຸບັນຂອງ ຢູແກຼນ ວ່າ: ໄດ້ ລວງເກີນສິດອຳນາດຢ່າງຜິດກົດໝາຍ ແລະ ຢືນຢັນທ່ານປະທານາທິບໍດີ Viktor Yanukovyck ຍັງຄົງແມ່ນປະມຸກລັດ ຢູແກຼນ ຕາມລັດຖະທຳມະນູນ. ລັດເຊຍ ຕ້ອງການມີປະເທດ ຢູແກຼນ ເຂັ້ມແຂງ ແລະ ມີສະຖຽນລະພາບ.
ຕໍ່ໜ້າສະພາບຄວາມເຄັ່ງຕຶງທີ່ກ່ຽວຂ້ອງເຖິງ ຢູແກຼນ, ວັນທີ 2/3, ປະຊາຄົມໂລກຮຽກຮ້ອງໃຫ້ຊອກຫາມາດຕະການການເມືອງໃຫ້ວິກິດການຢູ່ປະເທດເອີລົບຕາເວັນອອກນີ້.