ລັດເຊຍຢັ້ງຢືນເຈດຕະນາດີໃນການແກ້ໄຂການປະທະກັນກັບ ຢູແກຼນດ້ວຍມາດຕະການທາງການທູດ
(VOVWORLD) -ວັນທີ 22 ທັນວາ, ຢູ່ສະຫະພັນ ລັດເຊຍ, ຕອບສຳພາດຕໍ່ນັກຂ່າວພາຍຫຼັງການກອງປະຊຸມຂອງສະພາແຫ່ງລັດ, ທ່ານປະທານາທິບໍດີ ລັດເຊຍ Vladimir Putin ຖະແຫຼງວ່າ ຢາກຢຸດຕິການປະທະກັນຢູ່ ຢູແກຼນ ຍິ່ງໄວກໍ່ຍິ່ງດີ ແລະ ການປະທະກັນນີ້ ແນ່ນອນວ່າຈະຕ້ອງໄດ້ຮັບການແກ້ໄຂດ້ວຍມາດຕະການທາງການທູດ.
 ທ່ານປະທານາທິບໍດີ ລັດເຊຍ Vladimir Putin ກ່າວຄຳເຫັນທີ່ກອງປະຊຸມປ້ອງກັນຊາດຢູ່ມົດສະກູ (ພາບ: AFP/TTXVN)
|
ໄປຄຽງຄູ່ກັນນັ້ນ, ທ່ານ Putin ກໍ່ເນັ້ນໜັກເຖິງການເພີ່ມທະວີບັນດາການກະທຳເປັນປໍລະປັກ ທີ່ຈະພາໄປເຖິງຄວາມເສຍຫາຍໄຮ້ເຫດຜົນ. ທຸກການປະທະກັນທາງອາວຸດລ້ວນແຕ່ສິ້ນສຸດລົງ ໂດຍຜ່ານຮູບການເຈລະຈາທາງການທູດ. ເຖິງວ່າຈະໄວຫຼື ຊ້າ, ບັນດາຝ່າຍປະທະກັນກໍ່ຈະມານັ່ງນຳກັນ ແລະ ບັນລຸໄດ້ຂໍ້ຕົກລົງ.
ວັນທີ 21 ທັນວາ, ທ່ານປະທານາທິບໍດີ ຢູແກຼນ Volodymyr Zelenskyໄດ້ດຳເນີນການຢ້ຽມຢາມ ອາເມລິກາ ຢ່າງເປັນທາງການ ເພື່ອແນໃສ່ຢັ້ງຢືນຄືນການສະໜັບສະໜູນ Kiev ຂອງ ວໍຊິງຕັນ, ກໍ່ຄືສະແດງໃຫ້ເຫັນຄວາມສຳຄັນຂອງທ່ານປະທານາທິບໍດີ Joe Biden ໃນຄວາມມານະພະຍາຍາມຟື້ນຟູສຳພັນທະມິດຝ່າຍຕາເວັນຕົກ ເພື່ອຮັບມືກັບບັ້ນຮົບທະຫານພິເສດຂອງ ມົດສະກູ.