(vovworld) - ວັນທີ 24/12, ທ່ານລັດຖະມົນຕີຊ່ວຍວ່າການກະຊວງການຕ່າງປະເທດລັດເຊຍ Mikhail Bogdanov ໃຫ້ຮູ້ວ່າ, ລັດເຊຍ ຈະສືບຕໍ່ບຸກໂຈມຕີທາງອາກາດ ແນໃສ່ບັນດາຖານທີ່ໝັ້ນຂອງອົງການລັດອິດສະລາມ (IS) ອ້າງຊື່ເອງ ຢູ່ຊີຣີ, ນັບທັງຂະນະທີ່ຄຳສັ່ງຢຸດຍິງໄດ້ຮັບການປະກາດ. ເມື່ອຕອບສຳພາດຕໍ່ວົງການນັກຂ່າວ, ທ່ານ Mikhail Bogdanov ຖືວ່າ, ຄຳສັ່ງຢຸດຍິງ “ຈະໃຫ້ກັບບັນດາຝ່າຍທີ່ມີການຂັດແຍ້ງກັນໃນສົງຄາມກາງເມືອງຢູ່ຊີຣີ ນຳໃຊ້”, ແຕ່ວ່າ “ສິ່ງດັ່ງກ່າວບໍ່ໝາຍຄວາມວ່າຈະຢຸດຕິບັ້ນຮົບຕ້ານ IS ແລະ ບັນດາກຸ່ມກໍ່ການຮ້າຍອື່ນໆ”. ຕາມທ່ານແລ້ວ, ລັດເຊຍ ຄວນຍາດແຍ່ງໂອກາດຢຸດຕິການປະທະກັນເພື່ອເພີ່ມທະວີການບຸກໂຈມຕີທາງອາກາດໃສ່ IS.