ນັກການທູດ 3 ປະເທດເຂົ້າຮ່ວມກອງປະຊຸມ
|
(vovworld) – ວັນທີ 20/12, ຢູ່ມົດສກູ, ທ່ານລັດຖະມົນຕີການຕ່າງປະເທດ ລັດເຊຍ Sergey Lavrov ໄດ້ພົບປະກັບທ່ານ ລັດຖະມົນຕີການຕ່າງປະເທດ ອີຣານ Mohammad Javad Zarif ແລະ ທ່ານລັດຖະມົນຕີການຕ່າງປະເທດ ຕວກກີ Mevlut Cavusoglu ເພື່ອຊອກຫາມາດຕະການແນໃສ່ຮັບປະກັນຄຳສັ່ງຢຸດຍິງຢູ່ເຂດດິນແດນ ຊີຣີ, ກໍ່ຄືກຳນົດບັນດາທິດທາງເຄື່ອນໄຫວຕໍ່ໄປຂອງ 3 ປະເທດນີ້ໃນການແກ້ໄຂວິກິດການຢູ່ປະເທດຕາເວັນອອກກາງນີ້.
ນີ້ແມ່ນການພົບປະຄັ້ງທຳອິດຂອງນັກການທູດ 3 ທ່ານທີ່ໄດ້ດຳເນີນຕາມວິທີການນີ້, ເພື່ອແນໃສ່ຊອກຫາມາດຕະການຢຸດຕິສະພາບການເຈັບປວດໃຫ້ແກ່ປະຊາຊົນຢູ່ ຊີຣີ ຢູ່ Aleppo, ເຊິ່ງແມ່ນນະຄອນໃຫຍ່ທີ່ສອງຂອງປະເທດນີ້, ກໍ່ຄືນຳມາເຊິ່ງສັນຕິພາບໃຫ້ປະເທດ ຊີຣີ, ທີ່ເຄີຍຖືກທຳລາຍຍ້ອນສົງຄາມໃນຕະຫຼອດ 5 ປີຜ່ານມາ. ຄຽງຄູ່ກັນນັ້ນ, ລັດຖະມົນຕີການຕ່າງປະເທດ 3 ທ່ານກໍ່ໄດ້ເຕື້ອງເຖິງໄລຍະເວລາລະອຽດໃນການນຳໃຊ້ຄຳສັ່ງຢຸດຍິງຢູ່ ຊີຣີ, ກໍ່ຄືເລື່ອງອົບພະຍົບປະຊາຊົນອອກຈາກເຂດສູ້ຮົບ ແລະ ວິທີປະຕິບັດໜ້າທີ່ດັ່ງກ່າວ. ສິ້ນສຸດການພົບປະ, ນັກການທູດ 3 ທ່ານລ້ວນແຕ່ເປັນເອກະສັນກັນຖືວ່າ ບັນດາມາດຕະການການທະຫານບໍ່ແມ່ນມາດຕະການທີ່ມີຜົນສັກສິດ ນຳມາເຊິ່ງສັນຕິພາບໃຫ້ແກ່ ຊີຣີ. ທັງລັດເຊຍ, ອີຣານ ແລະ ຕວກກີ ລ້ວນແຕ່ຕີລາຄາສູງຄວາມສຳຄັນຂອງບັນດາມາດຕະການການເມືອງ ແລະ ຢັ້ງຢືນວ່າ ທຸກໆໜ້າທີ່ວາງອອກໃນການແກ້ໄຂວິກິດການຢູ່ຊີຣີ ລ້ວນແຕ່ເໝາະສົມກັບບັນດາຂໍ້ຕົກລົງທີ່ກ່ຽວຂ້ອງຂອງ ສປຊ ກ່ຽວກັບສະພາບການຢູ່ ຊີຣີ, ເພື່ອບັນລຸໄດ້ຈຸດໝາຍສູງສຸດແມ່ນການຢຸດຍິງຢູ່ ຊີຣີ, ສືບຕໍ່ວິວັດທະນາການການເມືອງ, ຮັບປະກັນເພື່ອໃຫ້ປະຊາຊົນໄດ້ສຳພັດກັບການເຄື່ອນໄຫວມະນຸດສະທຳ, ກໍ່ຄືສົມທົບກັນຕ້ານບັນດາອົງການກໍ່ການຮ້າຍຢູ່ປະເທດນີ້.