(vovworld) - ວັນທີ 21/12, Duma ແຫ່ງຊາດ (ສະພາຕໍ່າ) ລັດເຊຍ ໄດ້ຮັບຮອງເອົາຮ່າງກົດໝາຍກ່ຽວກັບ “ບັນດາມາດຕະການລົງໂທດຜູ້ທີ່ກ່ຽວຂ້ອງເຖິງການລະເມີດສິດເປັນພື້ນຖານ ແລະ ສິດເສລີຂອງມະນຸດ, ສິດ ແລະ ຄວາມເສລີຂອງພົນລະເມືອງລັດເຊຍ” ນີ້. ນີ້ແມ່ນມາດຕະການໂຕະຕອບຂອງລັດເຊຍ ທີ່ມີຕໍ່ “ກົດໝາຍ Magnitsky” ເຊິ່ງທ່ານປະທານນາທິບໍດີອາເມລິກາ Barack Obama ໄດ້ລົງນາມປະກາດໃນວັນທີ 14/12 ທີ່ຜ່ານມາ. ຮ່າງກົດໝາຍຂອງລັດເຊຍ ກຳນົດບັນດາຂໍ້ຈຳກັດກ່ຽວກັບວີຊາ ແລະ ການເງິນທີ່ມີຕໍ່ຜູ້ຮັບຮອງເອົາຂໍ້ຕົກລົງຫ້າມພົນລະເມືອງລັດເຊຍ ເຂົ້າເມືອງ ແລະ ຮີບເອົາຊັບສົມບັດຂອງເຂົ້າເຈົ້າດ້ວຍເຫດລະເມີດສິດທິມະນຸດ. Duma ກໍ່ຮັບຮອງເອົາຄຳສັ່ງຫ້າມບັນດາພົນລະເມືອງຂອງອາເມລິກາ ຮັບລູກລ້ຽງຄົນລັດເຊຍ ແລະ ສະໜັບສະໜູນເລື່ອງຍົກເລີກຂໍ້ຕົກລົງລະຫວ່າງລັດເຊຍ ແລະ ອາເມລິກາ ໃນຂົງເຂດນີ້. ບັນດາມາດຕະການໂຕະຕອບຍັງຫ້າມຊົ່ວຄາວການເຄື່ອນໄຫວຕ່າງໆຂອງອົງການປອດການຄ້າທີ່ເຂົ້າຮ່ວມການເຄື່ອນໄຫວດ້ານການເມືອງຢູ່ລັດເຊຍ ພາຍໃຕ້ການຊ່ວຍເຫຼືອຂອງອາເມລິກາ.