ລັດເຊຍ:ເຂດການຄ້າເສລີລະຫວ່າງອາຊຽນແລະEAEUຈະໄດ້ຮັບການສ້າງຕັ້ງຂຶ້ນພາຍຫຼັງ3ປີອີກ
(vovworld) – ເຂດການຄ້າເສລີ (FTA) ລະຫວ່າງບັນດາປະເທດສະມາຊິກສະຫະພັນ ເສດຖະກິດ ອາຊີ - ເອີລົບ (EAEU) ແລະ ສະມາຄົມປະຊາຊາດ ອາຊີຕາເວັນອອກສ່ຽງໃຕ້ (ອາຊຽນ) ຈະໄດ້ຮັບການສ້າງຕັ້ງພາຍຫຼັງ 3 ປີອີກ. ນີ້ແມ່ນຄຳກ່າວປາໄສຂອງທ່ານ Aleksey Uliukaiev, ລັດຖະມົນຕີກະຊວງພັດທະນາເສດຖະກິດ ລັດເຊຍ ໃນວັນທີ 5/8 ພາຍຫຼັງສິ້ນສຸດການພົບປະລະຫວ່າງລັດຖະມົນຕີກະຊວງເສດຖະກິດ ແລະ ການຄ້າ ລັດເຊຍ ກັບບັນດາປະເທດ ອາຊຽນ ຢູ່ນະຄອນຫຼວງ ວຽງຈັນ (ລາວ). ຖະແຫຼງການສ້າງຕັ້ງ FTA ລະຫວ່າງ ອາຊຽນ ແລະ EUEA ທີ່ໄດ້ຍົກອອກມາທີ່ກອງປະຊຸມສຸດຍອດ ລັດເຊຍ - ອາຊຽນ ຢູ່ Sochi (ປະເທດ ລັດເຊຍ) ເມື່ອເດືອນ 5 ຜ່ານມາ, ແຕ່ມາຮອດປະຈຸບັນ, ບັນດາລັດຖະມົນຕີກະຊວງການເງິນ ແລະ ການຄ້າບັນດາປະເທດເຂົ້າຮ່ວມຈຶ່ງເຫັນດີເປັນເອກະສັນເລີ່ມເຄື່ອນໄຫວວຽກງານສ້າງຕັ້ງ. ທ່ານລັດຖະມົນຕີ Uliukaiev ເນັ້ນໜັກບັນດາຂໍ້ຕົກລົງທີ່ບັນລຸໄດ້ຢູ່ Sochi ຈະປະກອບສ່ວນບົດບາດຫຼັກແຫຼ່ງເພື່ອສ້າງ FTA, ພ້ອມທັງໃຫ້ຮູ້ວ່າ: ໄລຍະຈະມາເຖິງກຸ່ມຄົ້ນຄ້ວາ EAEU ແລະ ອາຊຽນ ຈະໄດ້ຮັບການສ້າງຕັ້ງພາຍໃຕ້ການຊີ້ນຳຂອງ “ບັນດາຜູ້ນຳແຖວໜ້າ” ເພື່ອຮັບປະກັນປະສິດທິຜົນການເຮັດວຽກ.