ລ້າງເຊີນເປີດວັນບຸນທ່ອງທ່ຽວເມົ້າເຊີນ
ລ້າງເຊີນເປີດວັນບຸນທ່ອງທ່ຽວເມົ້າເຊີນ
(ພາບ: Diệu Linh)
|
(vovworld) - ຕອນເຊົ້າວັນທີ 10/1, ຢູ່ເຂດທ່ອງທ່ຽວເມົ້າເຊີນ, ແຂວງລ້າງເຊີນໄດ້ໄຂ “ວັນບຸນທ່ອງທ່ຽວລະດູໜາວເມົ້າເຊີນປີ 2015“ ດ້ວຍຫົວຂໍ້ວ່າ “ເມົ້າເຊີນໃຫຍ່ໂຕມະໂຫຖານ, ສັກສິດ“.“ວັນບຸນທ່ອງທ່ຽວລະດູໜາວເມົ້າເຊີນປີ 2015“ ປີນີ້ດຳເນີນໄປດ້ວຍການເຄື່ອນໄຫວທີ່ເປັນເອກະລັກຫຼາຍຢ່າງ, ເຂັ້ມຄົ້ນໄປດ້ວຍສີສັນວັດທະນະທຳທ້ອງຖີ່ນເຊັ່ນ: ແນະນຳ ວິທີປຸງແຕ່ງເຫຼົ້າທີ່ເປັນມູນເຊື້ອ, ບັນດາຜະລິດຕະພັນເຫຼົ້າເຂດພູສູງເມົ້າເຊີນ ແລະ ບັນດາຜະລິດຕະພັນທ່ອງທ່ຽວອື່ນໆ. ກ່າວຄວາມເຫັນທີ່ພິທີໄຂງານບຸນ, ທ່ານນາງ ເບ໋ທິທູຮ່ຽນ, ຮອງຫົວໜ້າພະແນກວັດທະນະທຳກິລາ ແລະ ທ່ອງທ່ຽວແຂວງລ້າງເຊີນ, ໃຫ້ຮູ້ວ່າ:
“ນີ້ແມ່ນເທື່ອທຳອິດທີ່ລ້າງເຊີນຈັດຕັ້ງງານບຸນນີ້. ງານບຸນຈະແມ່ນຜະລິດຕະພັນທ່ອງທ່ຽວໃໝ່ຂອງທ່ອງທ່ຽວເມົ້າເຊີນເວົ້າສະເພາະ ແລະ ແຂວງລ້າງເຊີນ ກໍ່ຄືບັນດາແຂວງໃນເຂດຕາເວັນອອກສ່ຽງເໜືອເວົ້າລວມ. ໃນງານບຸນແນະນຳບັນດາຜະລິດຕະພັນຕາມລະດູການ, ເພື່ອແນໃສ່ປະຕິບັດລາຍການຊຸກຍູ້ການຄ້າພາຍໃນປະເທດ,ເຊິ່ງກະຊວງວັດທະນະທຳກິລາ ແລະ ທ່ອງທ່ຽວພວມຜັນຂະຫຍາຍການປະຕິບັດ. ໃນໂອກາດນີ້, ນັກທ່ອງທ່ຽວສາມາດໄດ້ເຫັນປະຈັກຕາປະກົດການທຳມະຊາດທີ່ມະຫັດສະຈັນ, ດ້ວຍນຳ້ໝອກປົກຄຸມໄປທົ່ວ, ສ້າງເປັນຄວາມງາມແບບເລິກລັບ, ແນ່ນອນວ່າມັນຈະສ້າງຄວາມປະທັບໃຈທີ່ສຸດໃຫ້ແກ່ນັກທ່ອງທ່ຽວເມື່ອມາຢ້ຽມຢາມແຫ່ງນີ້“.