(ພາບປະກອບ)
(VOV)- ຕອນເຊົ້າວັນທີ 10/10, ຢູ່ນະຄອນໂຮ່ຈິມິນ, ສະພາກາແດງນະຄອນໄດ້ຈັດການພົບປະສ້າງສັນ ແນະນຳລາຍການສ້າງກອງທຶນເອົາໃຈໃສ່ເບິ່ງແຍງຜູ້ປະສົບກັບຄວາມຫຍຸ້ງຍາກໃນໂອກາດບຸນປີໃໝ່ ຊຶ່ງຄາດວ່າຈະດຳເນີນໄປໃນວັນທີ 20/1/2013. ໂດຍຜ່ານລາຍການ, ສະພາກາແດງນະຄອນສູນຊົນຂົນຂວາຍໄດ້ຂອງຂວັນ 25.000 ພູດ ແຕ່ລະພູດມີມູນຄ່າ 500.000 ດົ່ງເພື່ອເອົາໃຈໃສ່ເບິ່ງແຍງຜູ້ປະສົບເຄາະຮ້າຍຈາກທາດພິດສີສົ້ມ, ເດັກກຳພ້າ, ຄົນພິການ, ຜູ້ອາຍຸສູງຢູ່ໂດດຽວ….ໃນປີ 2011, ລາຍການດັ່ງກ່າວຂົນຂວາຍຂອງຂວັນໄດ້ 17.000 ພູດໃຫ້ແກ່ບັນດາປະຊຸາຊົນຜູ້ທຸກຍາກໃນໂອກາດບຸນປີໃໝ່. ທ່ານນາງ Nguyen Thi Hue ປະທານສະພາກາແດງນະຄອນນະຄອນໂຮ່ຈິມິນ ໃຫ້ຮູ້ວ່າ:
“ໂດຍໄດ້ປະຕິບັດແຜນນະໂຍບາຍ “ບຸນປີໃໝ່ເພື່ອຄົນທຸກຍາກ ແລະຜູ້ປະສົບເຄາະຮ້າຍຈາກທາດພິດສີສົ້ມ“ ນັ້ນ, ແຕ່ລະປີ, ສະພາກາແດງນະຄອນນະຄອນໂຮ່ຈິມິນ ໄດ້ຈັດຕັ້ງລາຍການສ້າງກອງທຶນໜູນຊ່ວຍໃຫ້ບັນດາຜູ້ອາພັບ. ປີນີ້, ທາງສະພາກາແດງກໍ່ປຸກລະດົມເພື່ອຮຽກຮ້ອງໃຫ້ບັນດາວິສາຫະກິດ, ຜູ້ມີໃຈບຸນໃຈກຸສົນໃນບໍລິເວນນະຄອນພ້ອມກັນປະກອບສ່ວນແບ່ງປັນຄວາມຫຍຸ້ງຍາກກັບຜູ້ທຸກຍາກເມື່ອບູນປີໃໝ່ວຽນມາ“