( ການປະຊຸມກັບນັກຂ່າວ “ຄວາມຊົງຈຳຮ່າໂນ້ຍ )
(vovworld) – ເປັນຄັ້ງທຳອິດ ທີ່ລາຍການ “ຄວາມຊົງຈຳ” - ວາດພາບເຖິງຈຸດວັດທະນະທຳ ຮ່າໂນ້ຍ ເມື່ອກ່ອນນີ້ ຈະຖືກຈັດຂຶ້ນຢູ່ເຂດມໍລະດົກໂລກ ພະລາດຊະວັງ ທັງລອງ, ຮ່າໂນ້ຍ. ນີ້ແມ່ນ ລາຍການ “ຄວາມຊົງຈຳຮ່າໂນ້ຍ ” ໂດຍພະແນກທ່ອງທ່ຽວ ຮ່າໂນ້ຍ ສົມທົບກັບສູນອະນຸລັກຮັກສາມໍລະດົກ ທັງລອງ ຈັດຕັ້ງຂຶ້ນ. ທີ່ການປະຊຸມກັບນັກຂ່າວ ເມື່ອວັນທີ 16/12 ຄະນະຈັດຕັ້ງໃຫ້ຮູ້ວ່າ: ລາຍການຈະລວມມີ 3 ພາກຕົ້ນຕໍ ເຊັ່ນ: ການເຄື່ອນໄຫວວາງສະແດງ ແລະ ສິລະປະຈັດວາງ, ການເຄື່ອນໄຫວປະດັບປະດາ ວິຈິດຕະກຳ, ບັນດາການເຄື່ອນໄຫວວັດທະນະທຳສິລະປະ. ທ່ານນາງ ຫງວຽນທິຮົ່ງ ສະມາຊິກຄະນະຈັດຕັ້ງໃຫ້ຮູ້ວ່າ:
“ເຫດການນີ້ ປະກອບສ່ວນໂຄສະນາການທ່ອງທ່ຽວບົນພື້ນຖານວັດທະນະທຳ ແລະ ກໍເປັນການຮັບຕ້ອນລະດູບານໃໝ່. ພວກຂ້າພະເຈົ້າ ປາດຖະໜາວ່າ ລາຍການທີ່ຖືກຈັດຂຶ້ນເປັນຄັ້ງທຳອິດນີ້ ຈະເປັນການເຄື່ອນໄຫວທົດລອງ ເພື່ອ ເບິ່ງວ່າ ເຂດທ່ອງທ່ຽວຊາວຕ່າງປະເທດ ແລະ ຫາງສຽງສັງຄົມຈະສັງເກດຕີລາຄາຄືແນວໃດ, ເພື່ອຈາກນັ້ນ ຈະກະກຽມໃຫ້ການເຄື່ອນໄຫວຕໍ່ໆໄປ”
ລາຍການ “ຄວາມຊົງຈຳຮ່າໂນ້ຍ” ຈະດຳເນີນເປັນເວລາ 5 ວັນແຕ່ 30/12/2015 – 04/01/2016.