ລາຍການສິລະປະສະເຫຼີມສະຫຼອງ500ປີແຫ່ງວັນພົວພັນຫວຽດນາມ-ປອກຕຸຍການ
ລາຍການສິລະປະສະເຫຼີມສະຫຼອງ 500 ປີແຫ່ງ
ວັນພົວພັນຫວຽດນາມ-ປອກຕຸຍການ
(vovworld) - ເນື່ອງໃນໂອກາດສະເຫຼີມສະຫຼອງ 500 ປີແຫ່ງວັນພົວພັນລະຫວ່າງ ຫວຽດນາມ ແລະ ປອັກຕຸຍການ (1516 - 2016) ສະຖານທູດ ຫວຽດນາມ ປະຈຳ ຝະລັ່ງ ທັງເປັນທູດຮັບຜິດຊອບ ປອັກຕຸຍການ ສົມທົບກັບກະຊວງການຕ່າງປະເທດ ປອັກຕຸຍການ ຫາກໍ່ຈັດຕັ້ງ 2 ລາຍການສະແດງສິລະປະທີ່ເປັນເອກະລັກສະເພາະພິເສດ. ກ່າວຄຳເຫັນທີ່ພິທີ ທ່ານ ຫງວຽນງອກເຊີນ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສສ.ຫວຽດນາມ ປະຈຳ ສ.ຝະລັ່ງ ທັງເປັນທູດຮັບຜິດຊອບ ປອັກຕຸຍການ ໄດ້ຫວນຄືນການພົວພັນທີ່ໄດ້ຮັບການສ້າງຕັ້ງມາເປັນເວລາ 500 ປີ ນັບແຕ່ເມື່ອຊາວ ປອັກຕຸຍການ ໄດ້ເຂົ້າທຽບທ່າກ່ຳປັ່ນ ໂຮ້ຍອານ ທາງພາກກາງ ຫວຽດນາມ ຄັ້ງທຳອິດໃນປີ 1516 ແລະ ຫລັງຈາກນັ້ນ 100 ປີ ຊາວ ປອັກຕຸຍການ (ທ່ານ Francisco de Pina) ໄດ້ປະດິດຕົວໜັງສືຂອງຊາວ ຫວຽດນາມ ໃນປະຈຸບັນ. ກໍ່ຕາມທ່ານເອກອັກຄະລັດຖະທູດ ຫງວຽນງອກເຊີນ ແລ້ວ ປີ2016 ແມ່ນປີມີຄວາມໝາຍດ້ານປະຫວັດສາດພິເສດສຳລັບການພົວພັນລະຫວ່າງ ຫວຽດນາມ - ປອັກຕຸຍການ. ທ່ານເອກອັກຄະລັດຖະທູດ ຫງວຽນງອກເຊີນ ເນັ້ນໜັກວ່າ:
“ຂ້າພະເຈົ້າຄິດວ່າ ແງ່ຫວັງການຮ່ວມມືມິດຕະພາບລະຫວ່າງ ຫວຽດນາມ ແລະ ປອັກຕຸຍການ ຈະໄດ້ຮັບການພັດທະນາຢ່າງແຮງແນ່ນອນໃນຊຸມປີຈະມາເຖິງ, ພິເສດ ພາຍຫລັງການຢ້ຽມຢາມ ປອັກຕຸຍການ ຂອງອະດີດນາຍົກລັດຖະມົນຕີ ຫງວຽນເຕີ໋ນຢຸງ ເນື່ອງໃນໂອກາດສະເຫຼີມສະຫຼອງ 40 ປີແຫ່ງວັນສ້າງການພົວພັນທາງການທູດລະຫວ່າງ 2 ປະເທດໃນປີຜ່ານມາ. ບັນດາເພື່ອນມິດທີ່ເຂົ້າຮ່ວມການສະແດງສິລະປະທັງໝົດ ລ້ວນແຕ່ຕີລາຄາສູງທີ່ສຸດບັນດາລາຍການສະແດງ, ສິ່ງນັ້ນ ສະແດງໃຫ້ເຫັນວ່າ ວັດທະນະທຳ ຫວຽດນາມ ກໍ່ຄືສິລະປະ ຫວຽດນາມ ສາມາດດຶງດູດເຖິງສາທາລະນະຊົນ ປອັກຕຸຍການ.”