ລາຍການສິລະປະ ດ້ວຍຫົວຂໍ້ “ຫວຽດນາມ - ປະເທດຊາດໃນຫົວໃຈຂອງຂ້ອຍ” (ພາບ: TTXVN)

ນີ້ແມ່ນເຫດການສະເຫຼີມສະຫຼອງ 55 ປີແຫ່ງການປະຕິບັດພິໄນກຳຂອງທ່ານປະທານ ໂຮ່ຈີມິນ (10/5/1969 - 10/5/2024), 79 ປີ ແຫ່ງວັນການປະຕິວັດເດືອນສິງຫາສຳເລັດຜົນ (19/8/1945 - 19/8/2024), 79 ປີວັນມູນເຊື້ອຕຳຫຼວດປະຊາຊົນ ຫວຽດນາມ (19/8/1945 - 19/8/2024)  ແລະ 19 ປີແຫ່ງວັນທົ່ວປວງຊົນປ້ອງກັນຄວາມສະຫງົບຂອງປະເທດຊາດ  (19/8/2005 -19/8/2024).ລາຍການສະແດງສິລະປະ ໄດ້ຢັ້ງຢືນວ່າ ຄຳພິໄນກຳຂອງປະທານ ໂຮ່ຈີມິນ ແມ່ນລວມຍອດແນວຄິດ, ຄຸນສົມບັດ ແລະ ນ້ຳໃຈອັນສູງສົ່ງຂອງນັກຮົບວິລະຊົນປົດປ່ອຍຊາດ - ຜູ້ກໍ່ຕັ້ງ, ຈັດຕັ້ງ, ສຶກສາ ແລະ ຫຼໍ່ຫຼອມກຳລັງຕຳຫຼວດປະຊາຊົນ. ຜ່ານບັນດາລາຍການສະແດງສິລະປະ, ບັນດາຜູ້ແທນ ແລະ ປະຊາຊົນນະຄອນ ໂຮ່ຈີມິນ ໄດ້ພ້ອມກັນຫວນຄືນມູນເຊື້ອ 79 ປີແຫ່ງວັນສ້າງຕັ້ງ, ຕໍ່ສູ້ ແລະ ເຕີບໃຫຍ່ຂອງກຳລັງຕຳຫຼວດປະຊາຊົນ ຫວຽດນາມ ແລະ ໝາກຜົນປະຕິບັດຄຳພິໄນກຳຂອງປະທານ ໂຮ່ຈີມິນ ຂອງກຳລັງຕຳຫຼວດປະຊາຊົນບັນລຸໃນ 55 ປີຜ່ານມາ.