(VOVWORLD) - ລາຍການສະແດງສິລະປະ “ຮ່ວມແຮງຮ່ວມໃຈເພື່ອປະຊາຊົນຢູ່ເຂດ ພາຍຸ ນ້ຳຖ້ວມ” ໄດ້ດຳເນີນໃນຕອນຄ່ຳວັນທີ 17 ກັນຍາ ຢູ່ ສູນສິລະປະ ເອົາເກີ ທີ່ ຮ່າໂນ້ຍ. ລາຍການດັ່ງກ່າວ ໂດຍໂທລະພາບດິຈີຕອນ VTC, ບໍລິສັດຫຸ້ນສ່ວນໂຄສະນາເຜີຍແຜ່ Oscar Media ແລະ ຫນັງສືພິມ ຮ່າໂນ້ຍ ເຫມີຍ( ຮ່າໂນ້ຍໃຫມ່) ຈັດຕັ້ງຂຶ້ນ.
 ລາຍການ “ຫວຽດນາມ ອົງອາດກ້າແກ່ນ” ຮ່ວມແຮງຮ່ວມໃຈເພື່ອປະຊາຊົນ ຫວຽດນາມ ທີ່ຖືກຜົນສະທ້ອນຈາກພາຍຸ Yagi (ພາບ: ຄະນະຈັດຕັ້ງ) |
ດ້ວຍຫົວຂໍ້ “ຫວຽດນາມ ອົງອາດກ້າແກ່ນ”, ລາຍການຢາກແບ່ງປັນກັບປະຊາຊົນທີ່ຖືກຜົນສະທ້ອນຢ່າງຫນັກຫນ່ວງຍ້ອນພາຍຸ Yagi ແລະ ລະດົມບັນດາຜູ້ໃຈບຸນໃຈກຸສົນຊື່ງແມ່ນລູກຫຼານດິນແດນ ຫວຽດນາມ ພ້ອມກັນຫນູນຊ່ວຍປະຊາຊົນແກ້ໄຂຜົນຕາມມາຈາກພາຍຸນ້ຳຖ້ວມ. ນັກຂ່າວ ຫງວຽນວັນບິ່ງ, ຮອງຜູ້ອຳນວຍການ ໂທລະພາບ ດິຈີຕອນ VTC ໃຫ້ຮູ້ວ່າ:
“ພວກຂ້າພະເຈົ້າ ສ້າງລາຍການທີ່ມີປັດໄຈສິລະປະກວ່າ, ມີຂອບຂະຫນາດໃຫຍ່ກວ່າ, ຮູບການໃຫຍ່ກວ່າ, ສ້າງຄວາມຮູ້ສຶກພິເສດ, ຄວາມເອົາໃຈໃສ່ຂອງ ຊາວຫວຽດນາມຢູ່ ພາຍໃນ ແລະຕ່າງປະເທດ ທີ່ມີຕໍ່ ປະຊາຊົນທີ່ຖືກຜົນສະທ້ອນຈາກພາຍຸ Yagi. ດ້ວຍການສະຫນັບສະຫນູນ ດ້ານວັດຖຸ, ພວກຂ້າພະເຈົ້າສົ່ງເຖິງ ຄະນະກຳມະການສູນກາງແນວໂຮມປະເທດຊາດ ຫວຽດນາມ, ສົ່ງເຖິງບັນດາທ້ອງຖິ່ນເພື່ອຫນູນຊ່ວຍໃຫ້ແກ່ຜູ້ພວມປະສົບກັບຄວາມຫຍຸ້ງຍາກ ຍ້ອນຜົນກະທົບຢ່າງຫນັກຈາກພາຍຸ”
ລາຍການ ຈະໄດ້ຖ່າຍທອດສົດທາງໂທລະພາບຜ່ານຊ່ອງ VOVTV, VTC1, VTC3; ຜ່ານສື່ເອເລັກໂຕນິກ VTC Now, VTC News, ຮ່າໂນ້ຍໃຫມ່ ແລະ ຊ່ອງ YouTube ຄວາມເອກອ້າງທະນົງໃຈ ຫວຽດນາມ ແລະ ກວ່າ 30 ວິທະຍຸໂທລະພາບໃນທົ່ວປະເທດ.