ລາຍການ“ຮ່ວມແຮງຮ່ວມໃຈບັນເທົ່າຄວາມເຈັບປວດຍ້ອນທາດຜິດສີສົ້ນກໍ່ຂຶ້ນ”
ລາຍການ “ຮ່ວມແຮງຮ່ວມໃຈບັນເທົ່າຄວາມເຈັບປວດຍ້ອນທາດຜິດສີສົ້ນກໍ່ຂຶ້ນ”
(ພາບ: TTXVN)
(vovworld) – ເນື່ອງໃນໂອກາດສະເຫຼີມສະຫຼອງວັນເພື່ອຜູ້ປະສົບເຄາະຮ້າຍຈາດທາດຜິດສີສົ້ມດີໂອຊີນຫວຽດນາມ (10/08), ຕອນຄໍ່າວັນທີ ວັນທີ 09/08, ຢູ່ໂຮງລະຄອນໃຫຍ່ຮ່າໂນ້ຍ, ໜັງສືພິມເອເລັກໂຕນິກພັກກອມມູນິດຫວຽດນາມ ໄດ້ສົມທົບກັບສະມາຄົມຜູ້ປະສົບເຄາະຮ້າຍຈາດທາດຜິດສີສົ້ມດີໂອຊີນ ຈັດລາຍການ “ຮ່ວມແຮງຮ່ວມໃຈບັນເທົ່າຄວາມເຈັບປວດຍ້ອນທາດຜິດສີສົ້ນກໍ່ຂຶ້ນ”. ກ່າວຄຳເຫັນໄຂພິທີ, ທ່ານຮອງປະທານ, ເລຂາທິການໃຫຍ່ຄະນະກຳມະການສູນກາງແນວໂຮມປະເທດຊາດຫວຽດນາມ ວູຈ້ອງກິມ ໄດ້ແບ່ງປັນຄວາມເຈັບປວດ ແລະ ສົ່ງຄຳຢື້ຢາມຖາມຂ່າວເຖິງບັນດາຜູ້ປະສົບເຄາະຮ້າຍຈາກທາດຜິດສີສົ້ມດີໂອຊີນໃນທົ່ວປະເທດ. ທ່ານໄດ້ຊົມເຊີຍສະມາຄົມຜູ້ປະສົບເຄາະຮ້າຍຈາດທາດຜິດສີສົ້ມດີໂອຊີນຫວຽດນາມ ໄດ້ເປັນເຈົ້າການເຊື່ອມຕໍ່ຜູ້ໃຈບຸນໃຈກຸສົນ, ສົມເປັນບ່ອນອີງຂອງບັນດາຜູ້ປະສົບເຄາະຮ້າຍຈາດທາດຜິດສີສົ້ມດີໂອຊີນ. ທ່ານ ວູຈ້ອງກິມ ເນັ້ນໜັກວ່າ.
“ໃນສະພາບການຄືປະຈຸບັນ, ວຽກງານເບິ່ງແຍງດູແລຜູ້ມີຄຸນງາມຄວາມດີ ແລະ ປະຕິບັດນະໂຍບາຍສັງຄົມ ບໍ່ພຽງແຕ່ມີຄວາມໝາຍເຮັດໃຫ້ປະຊາຊົນອຸ່ນອ່ຽງໃຈ, ສ້າງຄວາມເຫັນດີເຫັນພ້ອມໃນສັງຄົມເທົ່ານັ້ນ, ຫາກຍັງມີຄວາມໝາຍປຸກລຸກເຈດຈຳນົງຕັດສິນໃຈ ແລະ ຈິດໃຈມະຫາສາມັກຄີຂອງທົ່ວທັງຊາດຫວຽດນາມ ໃນພາລະກິດສ້າງສາ ແລະ ປົກປັກຮັກສາປະເທດຊາດອີກດ້ວຍ. ໃນສະພາບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນຂອງປະເທດຫວຽດນາມ ພວມຢືນຢູ່ຕໍ່ໜ້າສິ່ງທ້າທາຍ, ສະນັ້ນ, ການເຄື່ອນໄຫວມະນຸດສະທຳຂອງແຕ່ລະຄົນໃນມື້ນີ້ ບໍ່ພຽງແຕ່ແກ້ໄຂໄດ້ຜົນຮ້າຍໃນອະດີດເທົ່ານັ້ນ ຫາກຍັງປະກອບສ່ວນສ້າງກຳລັງແຮງໃຫ້ປະຈຸບັນ ແລະ ໃນອະນາຄົດອີກດ້ວຍ”.