.jpg)
(ລາຍການໂອ້ລົມສົນທະນາຍຸດທະສາດໜູນຊ່ວຍ
ປະຕິບັດສັນຍາຄູ່ຮ່ວມມື ແລະ ການຮ່ວມມື ຫວຽດນາມ - ອີຢູ)
(vovworld) – ວັນທີ 4/6, ຢູ່ ຮ່າໂນ້ຍ, ຄະນະປະຕິບັດງານສະຫະພາບ ເອີລົບ ປະຈຳ ຫວຽດນາມ ສົມທົບກັບກະຊວງການຕ່າງປະເທດ ຫວຽດນາມ ຈັດຕັ້ງກອງປະຊຸມສຳມະນາແນະນຳ “ລາຍການໂອ້ລົມສົນທະນາຍຸດທະສາດໜູນຊ່ວຍການປະຕິບັດກອບສັນຍາແມ່ກ່ຽວກັບຄູ່ຮ່ວມມື ແລະ ຮ່ວມມືຮອບດ້ານ ຫວຽດນາມ - ອີຢູ”. ໂຄງການໂດຍ ອີຢູ ອຸປະຖຳດ້ວຍແຫຼ່ງເງິນ 2,9 ລ້ານ ເອີໂຣ, ມີກຳນົດເວລາ 3 ປີເພື່ອໜູນຊ່ວຍໃຫ້ການປະຕິບັດສັນຍາຄູ່ຮ່ວມມື ແລະ ຮ່ວມມືຮອບດ້ານ ຫວຽດນາມ - ອີຢູ (PCA) ເຊິ່ງໄດ້ເຊັນກັນໃນປີກ່າຍນີ້ຢູ່ ບຣຸກແຊນ, ປະເທດແບນຊິກ. ກ່າວຄຳເຫັນນະທີ່ນີ້, ທ່ານຮອງລັດຖະມົນຕີກະຊວງການຕ່າງປະເທດ ຫວຽດນາມ ບູ່ຍແທງເຊີນ ຖືວ່າ:
“ສັນຍາຄູ່ຮ່ວມມື ແລະ ຮ່ວມມືຮອບດ້ານ ຫວຽດນາມ - ສະຫະພາບ ເອີລົບ ບໍ່ພຽງແຕ່ປັບປຸງການພົວພັນ 2 ຝ່າຍລະຫວ່າງ ຫວຽດນາມ - ອີຢູ ໃນທຸກໆຂົງເຂດຄື: ການຮ່ວມມື, ພັດທະນາ, ເສດຖະກິດ - ການຄ້າ, ການສຶກສາ - ບຳລຸງສ້າງເທົ່ານັ້ນ ຫາກຍັງຮ່ວມມືໃນບັນດາເວທີປາໄສພາກພື້ນ ແລະ ສາກົນ, ຮ່ວມມືຮັບມືກັບການທ້າທາຍທົ່ວໂລກຄື: ການປ່ຽນແປງຂອງດິນຟ້າອາກາດ, ຄວາມໝັ້ນຄົງດ້ານພະລັງງານ... ອີກດ້ວຍ.”
ສ່ວນຝ່າຍ ອີຢູ, ດຣ Franz Jessen, ຫົວໜ້າຄະນະປະຕິບັດງານ ອີຢູ ປະຈຳ ຫວຽດນາມ, ຊີ້ແຈ້ງວ່າ:
“ການຮ່ວມມືພັດທະນາໃນຊຸມປີຈະມາເຖິງຈະສືບຕໍ່ແມ່ນສ່ວນສຳຄັນທີ່ມີຕໍ່ການຮ່ວມມືຂອງພວກຂ້າພະເຈົ້າກັບ ຫວຽດນາມ. ພວກຂ້າພະເຈົ້າພວມພິຈາລະນາເລື່ອງສ້າງລາຍການຮ່ວມມືໄລຍະ 2014 – 2020 ແລະ ຈະຮ່ວມມືຢ່າງແໜ້ນແຟ້ນກັບຄະນະປະຕິບັດງານຂອງ ຫວຽດນາມເພື່ອພ້ອມກັນກຳນົດບັນດາຂົງເຂດຮ່ວມມືສຳຄັນທີ່ມີຕໍ່ການພັດທະນາຂອງ ຫວຽດນາມ”