ພິທີປະກາດແຫ່ງຊາດຕາມກົນໄກ UPR ໄລຍະ 2 ສະພາສິດທິມະນຸດ ສປຊ 3/2013.
(ພາບ: TTXVN)
(vovworld) – ຕອນບ່າຍວັນທີ 2/4, ຢູ່ ຮ່າໂນ້ຍ, ກະຊວງການຕ່າງປະເທດສົມທົບກັບໂຄງການພັດທະນາສະຫະປະຊາຊາດ (UNDP) ຈັດຕັ້ງລາຍງານຜົນການທົບທວນປະຈຳໄລຍະດ້ານສິດທິມະນຸດ(UPR) ຮອບທີ 2 ກ່ຽວກັບສະພາບຮັບປະກັນສິດທິມະນຸດຢູ່ ຫວຽດນາມ.
ທ່ານຫົວໜ້າກົມບັນດາອົງການສາກົນ, ກະຊວງການຕ່າງປະເທດ ຮ່ວາງຈີ໋ຈຸງ ໃຫ້ຮູ້ວ່າໂດຍແມ່ນປະເທດທີ່ເຂົ້າຮ່ວມຢ່າງຕັ້ງໜ້າ ແລະ ມີຄວາມຮັບຜິດຊອບໃນປະຊາຄົມສາກົນ, ຫວຽດນາມ ໄດ້ປະຕິບັດພັນທະຢ່າງຄົບຖ້ວນຕາມກົນໄກ UPR, ແລະ ກະກຽມໃຫ້ການທົບທວນປະຈຳໄລຍະດ້ານສິດທິມະນຸດ ຮອບທີ 2 ດ້ວຍການເຂົ້າຮ່ວມຂອງທຸກກະຊວງ, ຂະແໜງການທີ່ກ່ຽວຂ້ອງ, ບັນດາອົງການການເມືອງ, ອົງການຈັດຕັ້ງ, ມະຫາຊົນ, ສັງຄົມ ແລະ ບັນດາອົງການ, ສ່ວນບຸກຄົນທີ່ມີຄວາມສົນໃຈ.
ກ່ອນນັ້ນ, ທີ່ວາລະປະຊຸມຄັ້ງທີ 18 ຂອງກຸ່ມເຮັດວຽກກ່ຽວກັບ UPR ຂອງສະພາສິດທິມະນຸດ, ຫວຽດນາມໄດ້ແຈ້ງໃຫ້ຊາບບົດລາຍງານ UPR ຮອບທີ 2; ສົນທະນາຢ່າງກົງໄປກົງມາ, ເປີດອົກເປີດໃຈກັບບັນດາສະມາຊິກສະຫະປະຊາຊາດ; ສະໜອງບັນດາຂໍ້ມູນກ່ຽວກັບກົດໝາຍ, ການເມືອງຢ່າງຄົບຖ້ວນ ແລະ ຄວາມຈິງໃນການຮັບປະກັນສິດທິມະນຸດຢູ່ ຫວຽດນາມ.