(vovworld) - ກອງປະຊຸມສຳມະນາກ່ຽວກັບການຈັດຕັ້ງກອງປະຊຸມຄູ່ຮ່ວມມືລັດຖະສະພາອາຊີ-ເອີລົບ ຄັ້ງທີ 7 (ASEP-7) ຂອງຄະນະກຳມະການຊີ້ນຳແຫ່ງຊາດ, ໂດຍທ່ານນາງປະທານສະພາແຫ່ງຊາດລາວ ປານີ ຢາທໍ່ຕູ້ ເປັນປະທານຫາກໍຖືກຈັດຂຶ້ນຢູ່ຫ້ອງວ່າການສະພາແຫ່ງຊາດລາວ. ທີ່ກອງປະຊຸມ, ທ່ານ ວິເສດ ສະແຫວງສຶກສາ, ຫົວໜ້າຄະນະເລຂາກອງປະຊຸມ ASEP-7 ໃຫ້ຮູ້ວ່າ ວຽກງານກະກຽມໃຫ້ແກ່ກອງປະຊຸມ ASEP-7 ເຊິ່ງຈະຈັດຂຶ້ນໃນເດືອນ 10/2012 ຢູ່ນະຄອນຫຼວງວຽງຈັນ ໄດ້ສຳເລັດໂດຍພື້ນຖານແລ້ວ. ລາວ ໄດ້ສົ່ງຈົດໝາຍ ແລະ ເອກະສານທາງການເຖິງ 42 ປະເທດສະມາຊິກ. ກ່ຽວກັບບັນຫາພື້ນຖານໂຄງລ່າງ, ມາຮອດປະຈຸບັນ, ລາວກໍ່ສ້າງສຳເລັດແລ້ວ 90% ຄື: ຍົກລະດັບເດີນບິນສາກົນອັນໜຶ່ງ ແລະ ລະບົບທາງຄົມມະນາຄົມ, ໂຮງແຮມດອນຈັນ ເຊິ່ງແມ່ນສະຖານທີຈັດຕັ້ງກອງປະຊຸມກໍ່ຄືວຽກງານພະລາທິການ… ເນື້ອໃນການປຶກສາຫາລືຂອງກອງປະຊຸມສຳເລັດແລ້ວ 80% ເຊິ່ງລວມມີບັນດາບັນຫາຄື: ການຮ່ວມມືລະຫວ່າງບັນດາປະເທດໃນວຽກງານຫຼຸດຜ່ອນຄວາມເສຍຫາຍຈາກໄພທຳມະຊາດ, ຜົນກະທົບຈາກໄພທຳມະຊາດທີ່ມີຕໍ່ການພັດທະນາກະສິກຳ; ໄພຂາດທັນຍາຫານ…