ຕາມສຳນັກຂ່າວສານລາວ, ວັນທີ 21 ຕຸລາ, ບັນດາກະຊວງ, ອົງການທຽບເທົ່າ, ອົງການພັກ ແລະ ບັນດາແຂວງໃນຂອບເຂດເທດທົ່ວປະເທດພ້ອມກັນຈັດພິທີໄວ້ອາໄລເຖິງດວງວິນຍານຂອງຜູ້ເສຍຊີວິດຈາກອຸປະຕິເຫດເຮືອບິນຕົກລົງນ້ຳຂອງທີ່ແຂວງຈຳປາສັກ ເມື່ອວັນທີ 16/10/2013 ຜ່ານມາ. ພິທີໄວ້ອາໄລຄັ້ງນີ້ແມ່ນຈັດຂຶ້ນໃນເວລາດຽວພ້ອມກັນທົ່ວປະເທດ, ຢູ່ຫ້ອງວ່າການລັດຖະບານໂດຍທ່ານ ທອງສິງ ທຳມະວົງ ນາຍົກລັດຖະມົນຕີລາວ ພ້ອມດ້ວຍຄະນະລັດຖະບານ ແລະ ພະນັກງານຫ້ອງວ່າການເຂົ້າຮ່ວມ. ຢູ່ແຂວງຈຳປາສັກ ແມ່ນຈັດເປັນພິທີລະດັບຊາດ ໂດຍການເຂົ້າຮ່ວມຂອງທ່ານພົນໂທ ດວງໃຈ ພິຈິດ ຮອງນາຍົກລັດຖະມົນຕີ, ລັດຖະມົນຕີ ວ່າການກະຊວງປ້ອງກັນປະເທດ ທັງເປັນປະທານຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ, ເຈົ້າແຂວງໆຈຳປາສັກ, ເຈົ້າເມືອງ ຈາກ 10 ເມືອງທົ່ວແຂວງ ແລະ ປະຊາຊົນຊາວເມືອງປາກເຊ ເຂົ້າຮ່ວມ.
ເຫດການເຮືອບິນໂດຍສານຕົກລົງນ້ຳຂອງ ຢູ່ແຂວງຈຳປາສັກເຮັດໃຫ້ຈຸບິນຈຳນວນ 5 ຄົນ ແລະ ຜູ້ໂດຍສານ 44 ຄົນ ລວມທັງໝົດ 49 ຄົນເສຍຊີວິດ.