(vovworld) - ຕອນບ່າຍວັນທີ 06/05, ທ່ານເລຂາສູນກາງພັກປະຊາຊົນປະຕິວັດລາວ, ເລຂາເຈົ້າຄອງກຳແພງນະຄອນວຽງຈັນ ສຸກັນ ມະຫາລາດ, ໄດ້ປະດັບຫຼຽນໄຊແຮງງານຊັ້ນ 2 ໃຫ້ແກ່ສະຫະພັນແຮງງານນະຄອນຮ່າໂນ້ຍ ຍ້ອນມີຜົນງານດີເດັ່ນໃນການຮ່ວມມື, ໜູນຊ່ວຍສະຫະພັນກຳມະບານນະຄອນວຽງຈັນ. ຕາງໜ້າໃຫ້ສະຫະພັນແຮງງານນະຄອນຮ່າໂນ້ຍ, ທ່ານ ເຈີນວັນທຶກ, ປະທານສະຫະພັນ, ໄດ້ຮັບຫຼຽນໄຊອັນສູງສົ່ງນີ້ຂອງລັດລາວ. ກ່ອນໜ້ານັ້ນ, ທ່ານ ສຸກັນ ມະຫາລາດ ໄດ້ມີການຕ້ອນຮັບຄະນະຜູ້ແທນສະຫະພັນແຮງງານນະຄອນຮ່າໂນ້ຍ ໂດຍທ່ານ ເຈີນວັນທຶກ ນຳໜ້າ ທີ່ພວມຢູ່ຢ້ຽມຢາມ ແລະ ເຮັດວຽກຢູ່ລາວ. ທ່ານ ສຸກັນ ມະຫາລາດ ຢືນຢັນວ່າ ຈະສ້າງເງື່ອນໄຂສະດວກເພື່ອຊ່ວຍເຫຼືອ 2 ຝ່າຍປະຕິບັດແຜນການທີ່ໄດ້ລົງນາມ ແລະ ປາດຖະໜາວ່າ 2 ຝ່າຍຈະຊຸກຍູ້ການພົວພັນຮ່ວມມືເພື່ອແນໃສ່ເບິ່ງແຍງ, ປົກປ້ອງສິດຜົນປະໂຫຍດອັນຊອບທຳຂອງຄົນງານ, ປະກອບສ່ວນເຂົ້າໃນການຊຸກຍູ້ຄວາມສາມັກຄີອ້າຍນ້ອງລະຫວ່າງນະຄອນຫຼວງຮ່າໂນ້ຍ - ວຽງຈັນ ເວົ້າສະເພາະ ແລະ ລະຫວ່າງຫວຽດນາມ - ລາວ ເວົ້າລວມ.