(vovworld) - ຕອນບ່່າຍວັນທີ 11/6, ຢູ່ນະຄອນຫຼວງວຽງຈັນ, ທ່ານນາງປະທານສະພາແຫ່ງຊາດ ລາວ ປານີ ຢາທໍ່ຕູ້ ໄດ້ມອບຫຼຽນໄຊແຮງງານຊັ້ນ 3 ໃຫ້ແກ່ທ່ານ Le Van Kiem, ປະທານສະພາບໍລິຫານເຂດເສດຖະກິດພິເສດ Long Thanh - ວຽນຈັນ ຍ້ອນມີບັນດາຜົນງານດີເດັ່ນໃນການສະໜັບສະໜູນ, ຊ່ວຍເຫຼືອ ສະພາແຫ່ງຊາດ ແລະ ປະຊາຊົນ ລາວ, ປະກອບສ່ວນເພີ່ມພູນຄູນສ້າງສາຍພົວພັນສາມັກຄີ, ມິດຕະພາບແບບພິເສດ ແລະ ການຮ່ວມມືຮອບດ້ານລະຫວ່າງ ຫວຽດນາມ - ລາວ. ກ່າວຄຳເຫັນນະພິທີ, ທ່ານນາງຮອງປະທານສະພາແຫ່ງຊາດ ລາວ ປານີ ຢາທໍ່ຕູ້ ໄດ້ຂອບອົກຂອບໃຈ ແລະ ຕີລາຄາສູງເລື່ອງນັກວິລະຊົນແຮງງານ Le Van Kiem ໄດ້ສະໜັບສະໜູນດ້ານວັດຖຸໃຫ້ແກ່ສະພາແຫ່ງຊາດ ເພື່ອຊື້ເຄື່ອງອຸປະກອນຮັບໃຊ້ໃຫ້ແກ່ກອງປະຊຸມຂອງສະພາແຫ່ງຊາດຊຸດທີ 7 ແລະ ຂອບອົກຂອບໃຈນ້ຳໃຈເພື່ອການກຸສົນຂອງທ່ານ ແລະ ຄອບຄົວໃນຊຸມປີຜ່ານມາເຊິ່ງໄດ້ກໍ່ສ້າງໂຮງຮຽນໃຫ້ແກ່ເດັກນ້ອຍຢູ່ເຂດທຸກຍາກ, ກໍ່ສ້າງເຮືອນແຫ່ງສາຍຈິດມິດໃຈຊ່ວຍເຫຼືອນັກຮົບເກົ່າ ລາວ, ປະກອບສ່ວນກໍ່ສ້າງເຂດສຸສານນັກຮົບເສຍສະຫຼະຊີວິດເພື່ອຊາດ... ອັນໄດ້ສ້າງຄວາມປະທັບໃຈທີ່ດີໃຫ້ແກ່ປະຊາຊົນ ລາວ ກ່ຽວກັບພາບພົດງາມຂອງ ນົກຮົບເກົ່າຫວຽດນາມ ທີ່ເຄີຍຕໍ່ສູ້ໃນສະໜາມຮົບ ລາວ, ປະຈຸບັນ ໄດ້ກັບຄືນມາປະເທດລາວ ເພື່ອລົງທຶນ ຢ່າງມີປະສິດທິຜົນ, ປະກອບສ່ວນສ້າງສາປະເທດລາວ ໃຫ້ນັບມື້ນັບພັດທະນາ.