(vovworld) - ວັນທີ 13/11, ຢູ່ແຂວງເຊກອງ, ໂດຍໄດ້ຮັບການມອບໝາຍຈາກທ່ານປະທານປະເທດລາວ ຈຸມມະລີ ໄຊຍະສອນ, ທ່ານ ພອນເພັດ ຄິວລະວົງ, ຮອງເລຂາຄະນະພັກແຂວງ ທັງເປັນຮອງເຈົ້າແຂວງເຊກອງ ໄດ້ມອບຫຼຽນໄຊພັດທະນາປະເທດລາວ ໃຫ້ແກ່ທ່ານ Le Van Kiem, ປະທານສະພາບໍລິຫານ ແລະ ທ່ານ Le Huy Hoang, ຮອງຜູ້ອຳນວຍການໃຫຍ່ເຂດເສດຖະກິດພິເສດ Long Thanh - ວຽງຈັນ, ຍ້ອນມີການປະກອບສ່ວນໜູນຊ່ວຍແຂວງເຊກອງ ໃນການພັດທະນາເສດຖະກິດ ແລະ ສັງຄົມຂອງທ້ອງຖິ່ນ. ທີ່ພິທີ, ທ່ານ ພອນເພັດ ຜິວລະວົງ ໄດ້ຕີລາຄາສູງການຊ່ວຍເຫຼືອຂອງການນຳເຂດເສດຖະກິດພິເສດ Long Thanh - ວຽງຈັນ ໃນການປະກອບສ່ວນຊ່ວຍພັດທະນາເສດຖະກິດຢູ່ທ້ອງຖິ່ນ, ຊ່ວຍໃຫ້ປະຊາຊົນເຂດຖືກພະຍຸ ນ້ຳຖ້ວມກໍຂຶ້ນ ເພື່ອເຮັດໃຫ້ຊີວິດຂອງປະຊາຊົນກັບຄືນສູ່ສະພາບເປັນປົກກະຕິໂດຍໄວ.ພິເສດແມ່ນການນຳເຂດເສດຖະກິດພິເສດ Long Thanh - ວຽງຈັນ ໄດ້ຊ່ວຍເຫຼືອກ່ຽວກັບເຄື່ອງອຸປະກອນເຕັກນິກໃຫ້ວິທະຍຸໂທລະພາບແຂວງເຊກອງ ເວົ້າສະເພາະ ແລະ ບັນດາແຂວງທາງພາກໃຕ້ຂອງລາວ ເວົ້າລວມ ສາມາດຮັບສັນຍານໂທລະພາບແຫ່ງຊາດໄດ້, ເພື່ອເຂົ້າໃຈຕື່ມກ່ຽວກັບສະພາບການພາຍໃນ ແລະ ຕ່າງປະເທດ, ກໍຄືບັນດາການເຄື່ອນໄຫວທີ່ຟົດຟື້ນຂອງປີແຫ່ງຄວາມສາມັກຄີ ມິດຕະພາບຫວຽດນາມ - ລາວ ຕື່ມອີກ.