ລາວກາຍ ຕ້ອງເສີມ ຂະຫຍາຍທ່າໄດ້ປຽບເພື່ອພັດທະນາ
(ທ່ານນາຍົກລັດຖະມົນຕີ ຫງວຽນເຕີນຢຸງ
ເຮັດວຽກກັບການນຳຫຼັກແຫຼ່ງແຂວງລາວກາຍ)
(vovworld) – ທີ່ການເຮັດວຽກກັບການນຳຫຼັກແຫຼ່ງແຂວງລາວກາຍ, ເມື່ອຕອນເຊົ້າວັນທີ 20/09, ທ່ານນາຍົກລັດຖະມົນຕີ ຫງວຽນເຕີນຢຸງ ປາດຖະໜາວ່າ, ແຂວງ ລາວກາຍ ສືບຕໍ່ມານະພະຍາຍາມ, ເສີມຂະຫຍາຍທ່າໄດ້ປຽບ, ຄວາມສາມາດບົມຊ້ອນເພື່ອພັດທະນາຢ່າງໄວ ແລະ ໝັ້ນຄົງກວ່າ, ກ່ອນອື່ນໝົດແມ່ນເສີມຂະຫຍາຍ, ຂຸດຄົ້ນທ່າແຮງ, ຄວາມສາມາດບົ່ມຊ້ອນກ່ຽວກັບການບໍລິການ, ການທ່ອງທ່ຽວ; ເສດຖະກິດເຂດຊາຍແດນ, ແລກປ່ຽນການຄ້າກັບຈີນ. ໃນການພັດທະນາການທ່ອງທ່ຽວ, ຕ້ອງເອົາໃຈໃສ່ເປັນພິເສດເຖິງການຂຸດຄົ້ນຄວາມສາມາດບົມຊ້ອນດ້ານການທ່ອງທ່ຽວກ່ຽວກັບທິວທັດທຳມະຊາດ, ວັດທະນະທຳທີ່ມີຫຼາຍຮູບຫຼາຍສີຂອງປະຊາຊົນບັນດາເຜົ່າຢູ່ເຂດຊາປາ. ພ້ອມກັນນັ້ນ ແມ່ນເສີມຂະຫຍາຍທ່າແຮງກ່ຽວກັບອຸດສາຫະກຳຂຸດຄົ້ນ, ປຸງແຕ່ງແຮ່ທາດ; ສືບຕໍ່ພັດທະນາກະສິກຳ, ປ່າໄມ້, ລ້ຽງສັດ; ນຳໃຊ້ວິທະຍາສາດເຕັກນິກເຂົ້າໃນການຜະລິດ, ຕິດພັນກັບກະສິກຳ, ປ່າໄມ້ກັບຕະຫຼາດຈຳໜ່າຍຜະລິດຕະພັນໃຫ້ດີຍິ່ງໆຂຶ້ນ.
ກ່ຽວກັບການວາງແຜນກຳນົດສັງລວມຊາປາ, ທ່ານນາຍົກລັດຖະມົນຕີ ຫງວຽນເຕີນຢຸງ ຖືວ່າ ບົນພື້ນຖານເສັ້ນທາງຄວາມໄວສູງໂນ້ຍບ່າຍ - ລາວກາຍ ໄດ້ນຳເຂົ້າໃຊ້ການ ແລະ ໃນໄລຍະຈະມາເຖິງແມ່ນລົງທຶນກໍ່ສ້າງເສັ້ນທາງເຊື່ອມຕໍ່ກັບເສັ້ນທາງໂນ້ຍບ່າຍ - ລາວກາຍ , ລາວກາຍຕ້ອງປະຕິບັດວຽກງານວາງແຜນກຳນົດສັງລວມຊາປາ ເປັນຢ່າງດີ ເພື່ອແນໃສ່ຂຸດຄົ້ນຄວາມສາມາດບົມຊ້ອນ, ທ່າແຮງຂອງຊາປາ ເພື່ອພັດທະນາແບບຍືນຍົງ.