ທ່ານ ຫງວຽນຊວນຟຸ໋ກ, ກຳມະການກົມການເມືອງ ພົບປະກັບປະຊາຊົນແຂວງ ລາວກາຍ
( ພາບ : nguyenxuanphuc.net )
( vovworld ) - ວັນທີ 4/3, ຄະນະປະຕິບັດງານຂອງລັດຖະບານໂດຍທ່ານ ຫງວຽນຊວນຟຸ໋ກ, ກຳມະການກົມການເມືອງ, ຮອງນາຍົກລັດຖະມົນຕີ, ຫົວໜ້າຄະນະຊີ້ນຳເຂດຕາເວັນຕົກສຽງເໜືອຂອງຫວຽດນາມ ໄດ້ມີການເຮັດວຽກກັບການນຳແຂວງ ລາວກາຍ. ທ່ານຮອງນາຍົກລັດຖະມົນຕີໄດ້ຮຽກຮ້ອງໃຫ້ແຂວງ ລາວກາຍ ຈົ່ງສືບຕໍ່ເສີມຂະຫຍາຍຄວາມສາມາດບົ່ມຊ້ອນ, ທ່າແຮງດ້ານອຸດສາຫະກຳຂຸດຄົ້ນແຮ່ທາດ, ກະສິກຳ, ເສດຖະກິດດ່ານຊາຍແດນ, ການບໍລິການ - ທ່ອງທ່ຽວ, ສຸມການລົງທຶນໃສ່ແຫຼຼ່ງຊັບພະຍາກອນມະນຸດເພື່ອພັດທະນາ. ທ່ານຮອງນາຍົກລັດຖະມົນຕີໄດ້ເນັ້ນໜັກວ່າ ເລື່ອງແຂວງ ລາວກາຍ ໄດ້ຮັບການຮັບຮູ້ວ່າແມ່ນທ້ອງຖິ່ນທີ່ມີລະດັບແກ່ງແຍ່ງຢືນອັນດັບໜື່ງໃນທົ່ວປະເທດໄດ້ສ່ອງແສງໃຫ້ເຫັນຄວາມມານະພະຍາຍາມຂອງທຸກຂັ້ນ ແລະ ປະຊາຊົນໃນແຂວງ ແລະ ທາງແຂວງຕ້ອງເສີມຂະຫຍາຍທ່າແຮງດັ່ງກ່າວເພື່ອສືບຕໍ່ຊຸກຍູ້ການພັດທະນາເສດຖະກິດ - ສັງຄົມ. ໃນນັ້ນ, ທາງແຂວງຕ້ອງຕັ້ງໜ້າກວ່າອີກໃນວຽກງານປະຕິຮູບດ້ານບໍລິຫານ, ພ້ອມກັນນັ້ນຕ້ອງເປີດເຜີຍຢ່າງມີຄວາມກະຈ່າງແຈ້ງ ແລະ ມີປະສິດທິຜົນໃນການແກ້ໄຂວຽກງານໃຫ້ປະຊາຊົນ ແລະ ວິສາຫະກິດ.