(VOV)- ໂດຍໄດ້ຮັບການມອບໝາຍຈາກທ່ານປະທານປະເທດ ສປປລາວ, ຕອນເຊົ້າວັນທີ 26/12, ຄະນະຜູ້ແທນແຂວງເຊກອງ ໄດ້ຈັດພິທີມອບ 22 ຫຼຽນໄຊ, ຫຼຽນກາຂອງລັດລາວ ໃຫ້ແກ່ບັນດາສ່ວນບຸກຄົນ ແລະ ໝູ່ຄະນະແຂວງກວາງນາມ ທີ່ມີຜົນງານດີເດັ່ນໃນການພັດທະນາການພົວພັນຫວຽດນາມ-ລາວ. ນີ້ແມ່ນການຢັ້ງຢືນການປະກອບສ່ວນອັນໃຫ່ຍຫຼວງຂອງບັນດາສ່ວນບຸກຄົນ ແລະ ໝູ່ຄະນະແຂວງກວາງນາມ ໃນການຊ່ວຍເຫຼືອ, ຊຸກຍູ້ການພົວພັນຢ່າງສະໜິດແໜ້ນລະຫວ່າງແຂວງເຊກອງ ແລະ ກວາງນາມ ເວົ້າສະເພາະ ກໍ່ຄືລະຫວ່າງຫວຽດນາມ ແລະ ລາວ ເວົ້າລວມ. ກວາງນາມ ໄດ້ໜູນຊ່ວຍເຊກອງ ພັດທະນາເສດຖະກິດ, ມາຮອດປະຈຸບັນ, ມີນັກຮຽນລາວ ນັບຮ້ອຍຄົນໄດ້ ແລະ ພວມຮ່ຳຮຽນຢູ່ບັນດາມະຫາວິທະຍາໄລ, ວິທະຍາໄລຢູ່ກວາງນາມ. ບັນດາການເຄື່ອນໄຫວດັ່ງກ່າວໄດ້ປະກອບສ່ວນຍົກສູງນ້ຳໃຈສາມັກຄີ, ການຮ່ວມມືຮອບດ້ານລະຫວ່າງອົງຄະນະພັກ, ອຳນາດການປົກຄອງ ແລະ ປະຊາຊົນສອງແຂວງກວາງນາມ-ເຊກອງ ກໍ່ຄືປະຊາຊົນສອງປະເທດຫວຽດນາມ-ລາວ ໃຫ້ນັບມື້ນັບສະໜິດຕິດພັນກັນກ່ວາອີກ.