ກ່າວຄຳເຫັນຕໍ່ນັກຂ່າວ, ທ່ານ Dmitry Peskov, ໂຄສົກວັງ Kremlin ຊີ້ແຈ້ງວ່າ: “ພວກຂ້າພະເຈົ້າຖະແຫຼງອີກຄັ້ງໜຶ່ງວ່າ, ບໍ່ມີວົງການເຈົ້າໜ້າທີ່ຂັ້ນສູງ, ຂັ້ນຕ່ຳກວ່າ ຫຼື ບໍ່ວ່າຜູ້ຕາງໜ້າເປັນທາງການໃດ ໄດ້ ແລະ ພວມກ່ຽວຂ້ອງເຖິງເຫດການຢູ່ Salisbury. ທຸກຂໍ້ສະເໜີຕາມທິດດັ່ງກ່າວ ຫຼື ບັນດາຄຳກ່າວຫາ, ພວກເຮົາຂໍຢ້ຳຄືນໃໝ່ວ່າ ບໍ່ສາມາດຮັບຮູ້ໄດ້”.

        ວັນທີ 05 ກັນຍາ, ອັງກິດ ໄດ້ກ່າວຫາການບໍ່ມີໜ້າຂອງພົນລະເມືອງລັດເຊຍ 2 ຄົນໃນເຫດວາງຢາເບື່ອອະດີດນັກສືບຊາວລັດເຊຍ Sergei Skripal ແລະ ລູກສາວຂອງເພິ່ນແມ່ນ Yulia ຢູ່ນະຄອນ Salisbury, ອັງກິດ. ລອນດອນ ຖືວ່າ, ຜູ້ຖືກສົງໄສ 2 ຄົນແມ່ນນາຍທະຫານສືບລາຊະການລັບຂອງກອງທັບລັດເຊຍ ເບິ່ງຄືວ່າ ການເຄື່ອນໄຫວດັ່ງກ່າວແມ່ນໄດ້ຮັບອະນຸຍາດຈາກບັນດາເຈົ້າໜ້າຂັ້ນສູງຢ່າງແນ່ນອນ. ກະຊວງການຕ່າງປະເທດລັດເຊຍ ໄດ້ຢືນຢັນໂດຍທັນທີວ່າ ຊື່ຂອງຜູ້ຊາຍ 2 ຄົນທີ່ຖືກກ່າວຫານັ້ນບໍ່ມີຄວາມໝາຍສຳລັບລັດເຊຍ.