(ພາບປະກອບ:en.trend.az)
(vovworld)- ຕີລາຄາກ່ຽວກັບການເຈລະຈາໂດຍສັນຕິຄັ້ງຈະມາເຖິງລະຫວ່າງບັນດາປະເທດມະຫາອຳນາດຝ່າຍຕາເວັນຕົກ ແລະ ອີຣານ ກ່ຽວກັບໂຄງການນິວເຄຼຍທີ່ກໍ່ຄວາມໂຕ້ຖຽງກັນຂອງປະເທດສາທາລະນະລັດອິດສະລາມນີ້, ວັນທີ 1/4, ວົງການເຈົ້າໜ້າທີ່ສາກົນໃຫ້ຂໍ້ສັງເກດວ່າ, ຍາກທີ່ຈະບັນລຸບາດກ້າວບຸກທະລຸໄດ້. ຄຳເຫັນສ່ວນຫຼາຍຖືວ່າ: ການເລືອກຕັ້ງທົ່ວປະເທດຂອງອີຣານ ແລະ ການປະທະກັນອັນນອງເລືອດທີ່ແກ່ຍາວຢູ່ຊີຣີ ຈະເຮັດໃຫ້ວິວັດທະນະການນີ້ຍາກທີ່ຈະໄດ້ຮັບຜົນ. ຕາມແຜນການແລ້ວ, ໃນວັນທີ 6-7/4 ຈະມາເຖິງ, ບັນດານັກເຈລະຈາຂອງກຸ່ມ P5+1 (ລວມມີ 5 ປະເທດກຳມະການປະຈຳສະພາຄວາມໝັ້ນຄົງ ສປຊ ແລະ ເຢຍລະມັນ) ແລະ ອີຣານ ຈະດຳເນີນຮອບເຈລະຈາຂັ້ນສູງຢູ່ນະຄອນຫຼວງ Almaty ປະເທດກາຊັກສະຖານ. ກ່າວຄຳເຫັນຢູ່ວໍຊິງຕັນ, ທ່ານ Javie Solana ອະດີດນັກການທູດອັນດັບໜຶ່ງຂອງສະຫະພາບເອີລົບ ຖືວ່າ: ວົງການເຈົ້າໜ້າທີ່ອີຣານ ຈະບໍ່ວາງຫຼາຍຈຸດໝາຍໃຫ້ແກ່ການເຈລະຈາຄັ້ງນີ້.