ຕາມການສະຖິຕິຂອງກົມໃຫຍ່ພາສີ ຫວຽດນາມ ແລ້ວ, ໃນໄລຍະພັກບຸນປີໃໝ່ປະຈຳຊາດຫວຽດນາມ ປີຂານ 2022 ໃນເວລາ 9 ວັນ, ຍອດມູນຄ່າສິນຄ້ານຳເຂົ້າ - ສົ່ງອອກຂອງ ຫວຽດນາມ ບັນລຸກວ່າ 3 ຕື້ USD, ເພີ່ມຂຶ້ນ 83% ເມື່ອທຽບໃສ່ໄລຍະດຽວກັນຂອງປີ 2021.

     ໃນນັ້ນ, ການສົ່ງອອກສິນຄ້າບັນລຸ 1,47 ຕື້ USD, ເພີ່ມຂຶ້ນທົບ 2 ເທົ່າ, ສ່ວນການນຳເຂົ້າສິນຄ້າບັນລຸ 1,58 ຕື້ USD, ເພີ່ມຂຶ້ນ 68%. ໂອກາດບຸນເຕັດຜ່ານມາ, ສິນຄ້າຂອງ ຫວຽດນາມ ໄດ້ສົ່ງອອກໄປຍັງ 109 ປະເທດ ແລະ ເຂດແຄວ້ນ.

     ບັນດາຕະຫຼາດທີ່ສິນຄ້າ ຫວຽດນາມ ສົ່ງເຂົ້າຫຼາຍທີ່ສຸດ ລວມມີ ຈີນ, ຖັດຈາກນັ້ນແມ່ນ ອາເມລິກາ, ສ.ເກົາຫຼີ, ຮົ່ງກົງ (ຈີນ), ຍີ່ປຸ່ນ… ປະເພດສິນຄ້າສົ່ງອອກຕົ້ນຕໍລວມມີ: ໂທລະສັບ ແລະ ເຄື່ອງອາໄຫຼ່; ຄອມພິວເຕີ, ຜະລິດຕະພັນເອເລັກໂຕນິກ ແລະ ເຄື່ອງອາໄຫຼ່, ເຄື່ອງຈັກ…