ວິທະຍຸ ABC ຂອງອົດສະຕາລີ ເນັ້ນໜັກຄວາມໝາຍເຕົ້າໂຮມກັນ ໃນບຸນເຕັດປະຈຳຊາດຫວຽດນາມ
(VOVWORLD) - ນີ້ແມ່ນໂອກາດ ເພື່ອພົບປະກັບນັກສຶກສາ ແລະ ປະຊາຄົມຊາວຫວຽດນາມ ໃນທົ່ວປະເທດອົດສະຕາລີ. ພ້ອມກັບບັນດາເພື່ອນມິດຫວຽດນາມ ແລະ ຕ່າງປະເທດ, ເຂົາເຈົ້າໄດ້ຮັບປະທານບັນດາເຍື່ອງອາຫານຂອງບ້ານເກີດເມືອງນອນຄື: ເຂົ້າຕົ້ມ, ຢໍ່ຈືນ, ບັນກວັນ….
(ພາບ: Nguyễn Minh/TTXVN ປະຈຳ Sydney)
ໃນສະພາບໂລກລະບາດໂຄວິດ 19 ອີກເທື່ອໜຶ່ງໄດ້ເຮັດໃຫ້ຊາວຫວຽດນາມ ອາໄສຢູ່ ອົດສະຕາລີ ບໍ່ສາມາດກັບເມືອປະເທດ ຕ້ອນຮັບບຸນເຕັດພ້ອມກັບຄອບຄົວໄດ້, ວິທະຍຸ ABC ໄດ້ອອກອາກາດບົດສາລະຄະດີໃນໂອກາດນີ້ ໃນນັ້ນ ໄດ້ ເນັ້ນໜັກຄວາມໝາຍເຕົ້າໂຮມກັນ ໃນບຸນເຕັດປະຈຳຊາດຫວຽດນາມ.
ບົດສາລະຄະດີໄດ້ຄັດສະເໜີຄຳເວົ້າຂອງເອື້ອຍ Marianne Bogard ຜູ້ທີ່ກຳເນີດຢູ່ຫວຽດນາມ ແລະ ດຳລົງຊີວິດຢູ່ນະຄອນ Sydney ປະເທດອົດສະຕາລີ ໂດຍໃຫ້ຮູ້ວ່າ: ເອື້ອຍຄິດຮອດບ້ານເກີດເມືອງນອນທີ່ສຸດ, ຄິດເຖິງບັນດາເຍື່ອງອາຫານທີ່ເປັນມູນເຊື້ອໃນໂອກາດບຸນເຕັດວຽນມາ.
ສ່ວນອ້າຍ ບິງງວຽນ ໄດ້ຂັບລົດຈາກ Sydney ໄປນະຄອນຫຼວງ Canberra ເພື່ອເຂົ້າຮ່ວມບຸນເຕັດປະຊາຄົມໂດຍສະຖານທູດຫວຽດນາມ ປະຈຳ ອົດສະຕາລີ ຈັດຂຶ້ນ ໃຫ້ຮູ້ວ່າ: ນີ້ແມ່ນໂອກາດທີ່ດີ ເພື່ອພົບປະກັບນັກສຶກສາ ແລະ ປະຊາຄົມຊາວຫວຽດນາມ ໃນທົ່ວປະເທດອົດສະຕາລີ. ພ້ອມກັບບັນດາເພື່ອນມິດຫວຽດນາມ ແລະ ຕ່າງປະເທດ, ເຂົາເຈົ້າໄດ້ຮັບປະທານບັນດາເຍື່ອງອາຫານຂອງບ້ານເກີດເມືອງນອນຄື: ເຂົ້າຕົ້ມ, ຢໍ່ຈືນ, ບັນກວັນ….