(vovworld) - ມື້ນີ້, ວັນທີ 13/2, ທົ່ວໂລກຈັດຕັ້ງສະເຫຼີມສະຫຼອງວັນກະຈາຍສຽງໂລກຄັ້ງທີ 2, ເພື່ອຕອບສະໜອງເຫດການດັ່ງກ່າວ. ສະຖານີວິທະຍຸກະຈາຍສຽງ 7 ແຫ່ງໃນໂລກ ໄດ້ມີບັນດາລາຍການຖ່າຍທອດສົດ ອອກອາກາດຈາກສຳນັກງານອົງການ UNESCO. ສະເພາະອົງການ UNESCO ເອງ ກໍ່ໄດ້ຈັດຕັ້ງບັນດາກອງປະຊຸມສຳມະນາວ່າດ້ວຍຫົວຂໍ້ “ຄຸນຄ່າດ້ານກະຈາຍສຽງ”, “ການຮັບປະກັນຄວາມປອດໄພໃຫ້ແກ່ບັນດານັກຂ່າວ” ແລະ ອື່ນໆ... ທ່ານ Alain Masse ຜູ້ອຳນວນການໃຫຍ່ ສະຫະສະມາຄົມກະຈາຍສຽງ ແລະ ໂທລະພາບສາກົນໃຫ້ຮູ້ວ່າ:
“ທຸກໆລະບົບກະຈາຍສຽງຂອງ ວິທະຍຸກະຈາຍສຽງ ຫວຽດນາມ ກໍ່ຄືບັນດາສະຖານີວິທະຍຸກະຈາຍສຽງໃນໂລກ ໄດ້ມີການເຄື່ອນໄຫວຫຼາຍຢ່າງ ເພື່ອສະເຫຼີມສະຫຼອງວັນກະຈາຍສຽງໂລກ. ພວກຂ້າພະເຈົ້າໄດ້ສ້າງຕັ້ງຄະນະກຳມະການສາກົນເຕົ້າໂຮມບັນດາສະຖານີວິທະຍຸກະຈາຍສຽງ, ໃນນັ້ນ ມີຫວຽດນາມ ເຂົ້າຮ່ວມ, ທາງຄະນະກຳມະການດັ່ງກ່າວໄດ້ສ້າງໃຫ້ມີລະບົບແລກປ່ຽນຂໍ້ມູນຂ່າວສານຜ່ານແວບໄຊ ດ້ວຍລະຫັດ www.wrd 2013.com” ເພື່ອຊ່ວຍໃຫ້ທຸກໆຄົນສະແດງຄວາມຄິດຄວາມເຫັນຂອງຕົນ ສຳລັບບັນດາລາຍການກະຈາຍສຽງ ດ້ວຍພາສາຕ່າງໆ. ຫວຽດນາມ ແມ່ນໜຶ່ງໃນຈຳນວນ 25 ປະເທດເຂົ້າຮ່ວມຢ່າງຕັ້ງໜ້າໃນລະບົບລາຍການພິເສດນີ້.”
ແລະກໍ່ໃນວັນທີ 13/2, ວິທະຍຸກະຈາຍສຽງຫວຽດນາມ ກໍ່ໄດ້ສະເໜີຕໍ່ຜູ້ອ່ານກ່ຽວກັບ ແວບໄຊ radio.vietnam.vn. ແວບໄຊນີ້ແນະນຳບັນດາລາຍການຂອງ 63 ສະຖານີວິທະຍຸຂອງບັນດາແຂວງ, ນະຄອນໃນທົ່ວປະເທດ ແລະ ບັນດາລາຍການກະຈາຍສຽງໂທລະພາບຂອງ ວິທະຍຸກະຈາຍສຽງຫວຽດນາມ. ທ່ານ ຫງວຽນຈ້ອງຮວນ, ຮອງຜູ້ອຳນວຍການລະບົບລາຍການກະຈາຍສຽງ ຈາລະຈອນ VOV ເວົ້າວ່າ:
“ປະຈຸບັນ, ບັນດາເຄື່ອງເອເລັກໂຕນິກມືຖື, ຜ່ານລະບົບ ອີນເຕີເນັດ... ພວກເພື່ອນສາມາດຮັບຟັງ Radio ໃນຂອບເຂດທົ່ວປະເທດ. Radio ນີ້ສະໜອງຂໍ້ມູນຂ່າວສານກ່ຽວກັບສະພາບເສດຖະກິດ, ວັດທະນະທຳ, ສັງຄົມຢູ່ທຸກແທບຖີ່ນທົ່ວປະເທດ ເພື່ອຮັບໃຊ້ຜູ້ອ່ານທັງຢູ່ພາຍໃນ ແລະ ຕ່າງປະເທດ”