(vovworld) - ຕອນເຊົ້າວັນທີ 17/01, ຢູ່ສູນກະຈາຍສຽງແຫ່ງຊາດເຮືອນເລດທີ 58 ຖະໜົນກ໋ວານຊື໋, ຮ່າໂນ້ຍ, ວິທະຍຸກະຈາຍສຽງຫວຽດນາມ (VOV) ໄດ້ຈັດກອງປະຊຸມສະຫຼຸບວຽກງານປີ 2013 ແລະ ຜັນຂະຫຍາຍໜ້າທີ່ປີ 2013. ປີ 2012, VOV ໄດ້ປະຕິບັດສຳເລັດໜ້າທີ່ການເມືອງເຊິ່ງໄດ້ຮັບມອບໝາຍເປັນຢ່າງດີ; ອັບເດັດ ແລະ ໃຫ້ຂ່າວຢ່າງວ່ອງໄວ, ຄົບຖ້ວນຮອບດ້ານກ່ຽວກັບຊີວິດດ້ານການເມືອງ, ເສດຖະກິດ, ສັງຄົມຢູ່ພາຍໃນປະເທດ ແລະ ສາກົນ; ຍົກສູງຄຸນນະພາບ, ປ່ຽນໃໝ່ຮູບແບບການສະແດງ, ປະກອບສ່ວນເພີ່ມປະສິດທິຜົນວຽກງານໂຄສະນາ. ຄຽງຂ້າງນັ້ນ, VOV ຍັງຍາດໄດ້ຮັບລ້າງວັນພາຍໃນ ແລະ ຕ່າງປະເທດຫຼາຍລາງວັນອີກດ້ວຍ. ກ່າວຄຳເຫັນສະຫຼຸບກອງປະຊຸມ, ທ່ານຮອງຜູ້ອຳນວຍການໃຫຍ່ VOV ຫວູຫາຍ ເນັ້ນໜັກເຖິງ 16 ໜ້າທີ່ຈຸດສຸມຂອງ VOV ໃນປີ 2013, ໃນນັ້ນມີເລື່ອງປັບປຸງ, ປ່ຽນໃໝ່ບັນດາລາຍການ, ຄໍລຳ ມຸ່ງໄປສູ່ມະຫາຊົນ, ຖືມະຫາຊົນເປັນໃຈກາງ. ທ່ານຮອງຜູ້ອຳນວຍການໃຫຍ່ ຫວູຫາຍ ໃຫ້ຮູ້ວ່າ.
“VOV ຈະສ້າງສະຖານີສົ່ງສັນຍາຂະໜາດກາງ ແລະ ນ້ອຍຢູ່ບັນດາແຂວງໃນເຂດພູດອຍ, ບັນດາເຂດທີ່ຮັບສັນຍານຍາກ. ພ້ອມທັງເພີ່ມທະວີຄຸນນະພາບສັນຍານ FM ລະບົບສາຖະນາການ - ການເມືອງ VOV1 ຢູ່ຮ່າໂນ້ຍ, ເພີ່ມສັນຍານ FM ຢູ່ ເກີນເທີ, ເພີ່ມສັນຍານ FM ຢູ່ດານັ້ງ, ເປັນເຈົ້າພາບຈັດຕັ້ງກອງປະຊຸມສຳມະນາກະຈາຍສຽງອາຊີ ແລະ ກອງປະຊຸມກະຈາຍສຽງຄົມມະນາຄົມສາກົນ 2013; ຂໍ້ຄຳເຫັນຂອງນາຍົກລັດຖະມົນຕີ ແລະ ບັນດາກະຊວງທີ່ກ່ຽວຂ້ອງ ກ່ຽວກັບເລື່ອງເປີດກວ້າງບັນດາອົງການຕາງໜ້າຂອງ VOV ປະຈຳຕ່າງປະເທດ ແລະ ເຂດຕາເວັນອອກສ່ຽງເໜືອ”.