ວິທະຍາຄານປ້ອງກັນປະເທດຄວນກຳແໜ້ນສະພາບການ, ຍົກສູງຄວາມສາມາດຄາດຄະເນຍຸດທະສາດ
ພິທີສະເຫຼີມສະຫຼອງ 40 ປີແຫ່ງວັນມູນເຊື້ອ ແລະ ຕ້ອນຮັບຫຼຽນໄຊເອກະລາດຊັ້ນ I ຂອງສະຖາບັນປ້ອງກັນປະເທດ
|
(vovworld) – ວິທະຍາຄານປ້ອງກັນປະເທດຄວນກຳແໜ້ນສະພາບການ, ຍົກສູງຄວາມສາມາດຄາດຄະເນຍຸດທະສາດ - ນີ້ແມ່ນຄຳຮຽກຮ້ອງຂອງປະທານປະເທດ ເຈິ່ນດ້າຍກວາງ ເຊິ່ງຍົກອອກມາເມື່ອກ່າວຄວາມເຫັນທີ່ພິທີສະເຫຼີມສະຫຼອງ 40 ປີແຫ່ງວັນມູນເຊື້ອ ແລະ ຕ້ອນຮັບຫຼຽນໄຊເອກະລາດຊັ້ນ I ຂອງວິທະຍາຄານປ້ອງກັນປະເທດ, ຕອນເຊົ້າວັນທີ 3/1. ທ່ານປະທານປະເທດເນັ້ນໜັກວ່າ, ໜ້າທີ່ປົກປັກຮັກສາເອກະລາດ, ອະທິປະໄຕ, ເອກະພາບ, ຜືນແຜ່ນດິນອັນຄົບຖ້ວນຂອງປະເທດຊາດໃນສະພາບການໃໝ່ແມ່ນໜັກໜ່ວງ, ດັ່ງນັ້ນຮຽກຮ້ອງໃຫ້ກອງທັບປະຊາຊົນເວົ້າລວມ ແລະ ວິທະຍາຄານປ້ອງກັນປະເທດເວົ້າສະເພາະສືບຕໍ່ເສີມຂະຫຍາຍບົດບາດແກ່ນສານໃນພາລະກິດເພີ່ມທະວີການປ້ອງກັນຊາດ, ປົກປັກຮັກສາປະເທດຊາດ. ທ່ານ ປະທານປະເທດ ເຈິ່ນດ້າຍກວາງ ຮຽກຮ້ອງວິທະຍາຄານປ້ອງກັນປະເທດຕ້ອງເປັນເສນາທິການກັບພັກ, ລັດ, ຄະນະພັກການທະຫານສູນກາງ, ກະຊວງປ້ອງກັນປະເທດກ່ຽວກັບບັນດາບັນຫາປ້ອງກັນຊາດ, ການທະຫານ, ປົກປັກຮັກສາປະເທດຊາດຢ່າງທັນການ ແລະ ພ້ອມແລ້ວທີ່ຈະຕີເອົາຊະນະສົງຄາມຮຸກຮານຂອງສັດຕູ. ພ້ອມກັນນັ້ນ, ວິທະຍາຄານຄວນເອົາໃຈໃສ່ເປັນພິເສດເຖິງການຄົ້ນຄ້ວາບັນດາມາດຕະການຕໍ່ສູ້ເພື່ອເຮັດໃຫ້ກົນອຸບາຍ, ການເຄື່ອນໄຫວຂອງບັນດາອິດທິກຳລັງທີ່ເປັນປໍລະປັກກ່ຽວກັບ “ການຜັນແປສັນຕິພາບ“, ການຈະລາຈົນໂຄ່ນລົ້ມ, ຊຸກຍູ້ “ການຜັນແປເອງ“, ການເມືອງຫຼາຍຝ່າຍ…ປະລາໄຊ.