ຖີບລົດຖີບໃນຂອບເຂດວັນຄອບຄົວອາຊຽນ 2019 (ພາບ: TTXVN)

   ເຂົ້າຮ່ວມການເຄື່ອນໄຫວດັ່ງກ່າວມີຜູ້ຕາງໜ້າການນຳ, ພະນັກງານ, ພາລະກອນກະຊວງການຕ່າງປະເທດ, ເອກອັກຄະລັດຖະທູດ, ອຸປະທູດບັນດາປະເທດອາຊຽນ ປະຈຳຮ່າໂນ້ຍ ພ້ອມດ້ວຍສາມີ, ພັນລະຍາ ແລະ ສະມາຊິກໃນຄອບຄົວ; ບັນດາສະມາຊິກຂຶ້ນກັບຕາໜ່າງແມ່ຍິງອາຊຽນຢູ່ຮ່າໂນ້ຍ, ສະມາຊິກຄອບຄົວຜູ້ຕາງໜ້າຂອງ 16 ປະເທດຄູ່ຮ່ວມມືຂອງອາຊຽນຢູ່ຮ່າໂນ້ຍ.

   ກ່າວຄຳເຫັນທີ່ພິທີໄຂ, ທ່ານຫງວຽນກວັກຢຸ້ງ ຮອງລັດຖະມົນຕີກະຊວງການຕ່າງປະເທດຫວຽດນາມ, ຫົວໜ້າ SOM ອາຊຽນຫວຽດນາມ ໃຫ້ຮູ້ວ່າ, ຜ່ານກ່ວາເຄິ່ງສະຕະວັດ, ອາຊຽນ ໄດ້ກາຍເປັນປະຊາຄົມແຫ່ງສັນຕິພາບ, ອົງອາດກ້າແກ່ນ ແລະ ວັດທະນາຖາວອນຂອງ 10 ປະເທດອາຊີຕາເວັນອອກສ່ຽງໃຕ້; ເປັນຄູ່ຮ່ວມມືທີ່ໜ້າໄວ້ວາງໃຈຂອງທຸກປະເທດໃນພາກພື້ນ ແລະ ໃນໂລກ, ພ້ອມກັນສູ້ຊົນເພື່ອສັນຕິພາບບົນຈິດໃຈໂອ້ລົມສົນທະນາ ແລະ ຮ່ວມມື.

  ສ່ວນທ່ານນາງເອກອັກຄະລັດຖະທູດຫງວຽນງວຽດງາ, ປະທານກິຕິມະສັກ ກຸ່ມແມ່ຍິງປະຊາຄົມອາຊຽນ (AWCH) ໄດ້ຢືນຢັນວ່າ: ຍາມໃດ, ວັນຄອບຄົວອາຊຽນ 2019 ກໍ່ແມ່ນຈຸດເວລາເພື່ອສະຫງວນອາລົມຈິດ, ເວລາໃຫ້ແກ່ບັນດາຜູ້ສະໜິດສະໜົມກັນທີ່ສຸດ. ທ່ານນາງເອກອັກຄະລັດຖະທູດປາດຖະໜາວ່າ, ດ້ວຍການເຕົ້າໂຮມ, ແບ່ງປັນ ແລະ ເຊື່ອມຕໍ່, ບັນດາສະມາຊິກອາຊຽນ ພ້ອມກັບບັນດາຄູ່ຮ່ວມມື ແລະ ເພື່ອນມິດ ຈະພ້ອມກັນສືບຕໍ່ເພີ່ມພູນຄູນສ້າງອາລົມຈິດ ແລະ ຄວາມສະໜິດຕິດພັນກັນ ຜ່ານບັນດາການເຄື່ອນໄຫວກິລາກາຍະກຳ, ບັນເທິງທີ່ມີຄວາມໝາຍໃນວັນຄອບຄົວອາຊຽນ 2019.