(ພາບປະກອບ)
(vovworld) - ວັນທີ 24 ສິງຫາ, ຢູ່ຟາມ La Marquesa, ຂຶ້ນກັບລັດເມກຊີໂກ, ສະຖານທູດ 5 ປະເທດສະມາຊິກອາຊຽນ ປະຈຳເມກຊີໂກ ເຊິ່ງລວມມີ ຫວຽດນາມ, ອີນໂດເນເຊຍ, ມາເລເຊຍ, ຟີລິບປີນ ແລະ ໄທ ໄດ້ສົມທົບກັນຈັດຕັ້ງ “ວັນຄອບຄົວອາຊຽນ 2013” ດ້ວຍການເຂົ້າຮ່ວມຂອງພະນັກງານສະຖານທູດ, ພາລະກອນ, ຄອບຄົວ ແລະ ເພື່ອນມິດເມກຊີໂກ ເປັນຈຳນວນຫຼາຍ ເພື່ອແນໃສ່ຮັດແໜ້ນຄວາມສາມັກຄີ ແລະ ການຮ່ວມມືລະຫວ່າງບັນດາປະເທດໃນກຸ່ມ, ພ້ອມທັງເພີ່ມທະວີການພົວພັນອັນດີງາມກັບປະເທດເມກຊີໂກ. ພາຍຫຼັງພິທີໄຂ, ຜູ້ຕ່າງໜ້າບັນດາປະເທດສະມາຊິກທີ່ມີສະຖານທູດປະຈຳເມຊີໂກ ໄດ້ດຳເນີນການແຂ່ງຂັນການລະຫຼີ້ນພື້ນເມືອງໂດຍສະຖານທູດໄທ ຈັດຕັ້ງ, ຫຼັງຈາກນັ້ນ, ພະນັກງານ, ພາລະກອນ ແລະ ຄອບຄົວ ພ້ອມກັບເພື່ອນມິດເມກຊີໂກ ທຸກຄົນ ໄດ້ແນະນຳ, ຮັບປະທານບັນດາເຍື່ອງອາຫານພື້ນເມືອງຂອງປະເທດເຫຼົ່ານັ້ນ.