ວັນທີ 22 ພຶດສະພາ, ກົມໃຫຍ່ສິ່ງແວດລ້ອມ ໄດ້ສົມທົບກັບໂຄງການພັດທະນາ ສປຊ, ສະພາປົກປັກຮັກສາທຳມະຊາດ ແລະ ສິ່ງແວດລ້ອມ ແລະ ອົງການ CropLife ຫວຽດນາມ ໄດ້ຈັດຕັ້ງ “ເວທີປາໄສ ຄູ່ຮ່ວມມືອະນຸລັກຮັກສາຊີວະນາໆພັນ”. ປີ 2018, ແມ່ນປີພິເສດ, ເປັນຂີດໝາຍ 1/4 ສະຕະວັດ ຫວຽດນາມ ຮ່ວມເດີນທາງພ້ອມກັບສົນທິສັນຍາຊີວະນາໆພັນ. ມາຮອດປະຈຸບັນ, ຫວຽດນາມ ໄດ້ມີບັນດາບາດກ້າວໃຫຍ່ ໃນພາລະກິດແຫ່ງການອະນຸລັກຮັກສາທຳມະຊາດ ແລະ ຊີວະນາໆພັນ, ສ້າງລະບົບບັນດາອົງການຄຸ້ມຄອງ, ກອບນະໂຍບາຍ ແລະ ກົດໝາຍວ່າດ້ວຍຊີວະນາໆພັນ.

        ທີ່ເວທີປາໄສ, ບັນດາຜູ້ແທນຖືວ່າ, ດ້ວຍການອຸດົມສົມບູນ ແລະ ຫຼາຍຮູບແບບ ກ່ຽວກັບພູມສັນຖານ, ປະເພດທີ່ດິນ, ທັດສະນີຍະພາບ ແລະ ອາກາດ, ຫວຽດນາມ ແມ່ນໜຶ່ງໃນບັນດາປະເທດມີລັກສະນະຊີວະນາໆພັນສູງ ແຕ່ກໍ່ພວມຕ້ອງປະເຊີນໜ້າກັບສະພາບຫລຸດຜ່ອນຊີວະນາໆພັນ ແລະ ການຂາດຄວາມດຸ່ນດຽງຊີວະພາບທີ່ພວມເກີດຂຶ້ນຢ່າງແຮງ, ກໍ່ຜົນສະທ້ອນໂດຍກົງເຖິງສະພາບການດຳລົງຊີວິດຂອງມະນຸດ, ນາບຂູ່ເຖິງການພັດທະນາແບບຍືນຍົງຂອງໜ່ວຍໂລກ.