(vovworld) – ບັນດາການເຄື່ອນໄຫວສະເຫຼີມສະຫຼອງວັນທົ່ວປວງຊົນປ້ອງກັນ, ຕ້ານຢາເສດຕິດໄດ້ຈັດຕັ້ງຢູ່ທ້ອງຖີ່ນຕ່າງໆ ເພື່ອແນໃສ່ໂຄສະນາເຜີຍແຜ່ສານຂອງສະຫະປະຊາຊາດທີ່ວ່າ “ຕິດຢາເສບຕິດອາດຈະສະກັດກັ້ນໄດ້”. ຕາມການສະຖິຕິຈາກກະຊວງຕຳຫຼວດ, ຮອດເດືອນ 6/2014, ຫວຽດນາມ ມີຜູ້ຕິດຢາເສບຕິດກ່ວາ 180.000 ຄົນ (ແຕ່ລະປີເພີ່ມຂຶ້ນ 6%). ສະພາບອາດຊະຍາກຳຢາເສບຕິດຜັນແປໄປຢ່າງສັບສົນ, ເລື່ອງອັດຕານຳໃຊ້ຢາເສບຕິດພວມເພີ່ມຂຶ້ນສູງ. ດັ່ງນັ້ນ, ການຮ່ວມແຮງຮ່ວມໃຈເພື່ອຍູ້ໄພຢາເສບຕິດໃຫ້ຖອນໄປ ແລະ ຫລຸດຜ່ອນຜົນສະທ້ອນຂອງຢາເສບຕິດບໍ່ພຽງແຕ່ແມ່ນຄວາມຮັບຜິດຊອບຂອງບັນດາອົງການແຫ່ງລັດ ຫຼື ບັນດາອົງການຈັດຕັ້ງທີ່ກ່ຽວຂ້ອງເຖິງເລື່ອງປ້ອງກັນ, ຕ້ານຢາເສບຕິດເທົ່ານັ້ນ ຫາກຍັງແມ່ນຄວາມຮັບຜິດຊອບຂອງແຕ່ລະຄົນໃນສັງຄົມອີກດ້ວຍ.
ແລກກໍ່ໃນວັນດຽວກັນ, ຢູ່ນະຄອນ ຮ່າຕິ້ງ, ຄະນະກຳມະການປ້ອງກັນ, ຕ້ານ AIDS ແລະ ປ້ອງກັນ, ຕ້ານຢາເສບຕິດ, ໂສເພນີໄດ້ສົມທົບກັບກະຊວງຖະແຫຼງຂ່າວ ແລະ ສື່ສານ, ກະຊວງຕຳຫຼວດ ແລະ ຄະນະກຳມະການປະຊາຊົນແຂວງ ຮ່າຕິ້ງ ຈັດຕັ້ງງານໂຮມຊຸມນຸມ, ເດີນຂະບວນ, ປຸກລະດົມໂຄສະນາເຜີຍແຜ່ກ່ຽວກັບການປ້ອງກັນ, ຕ້ານຢາເສບຕິດດ້ວຍການເຂົ້າຮ່ວມຂອງ 11 ແຂວງ ພາກເໜືອ ແລະ ພາກກາງ.
ງານໂຮມຊຸມນຸມແມ່ນໂອກາດເພື່ອໂຄສະນາແຜນນະໂຍບາຍ, ແນວທາງຂອງພັກ, ນະໂຍບາຍກົດໝາຍຂອງລັດ ແລະ ບັນດາຂໍ້ກຳນົດຂອງອຳນາດການປົກຄອງກ່ຽວກັບວຽກງານປ້ອງກັນ, ຕ້ານຢາເສບຕິດຢູ່ວົງຄະນະຍາດ, ຜ່ານນັ້ນຍົກສູງສະຕິຂອງປະຊາຊົນຕໍ່ໜ້າຜົນຮ້າຍຂອງຢາເສບຕິດ ແລະ ວິທີປ້ອງກັນ, ຕ້ານຢາເສບຕິດ, ຍ້ອງຍໍຊົມເຊີຍບັນດາວຽກງານ, ຫົວຄິດປະດິດສ້າງຜ່ານຜ່າຄວາມທຸກຍາກຂອງບຸກຄົນໝູ່ຄະນະໃນການປ້ອງກັນ, ຕ້ານຢາເສບຕິດ, ຄັດຄ້ານການກະທຳຄ້າຂາຍ, ຂົນສົ່ງຢາເສບຕິດໃນວົງຄະນະຍາດ...
ກໍ່ໃນວັນດຽວກັນ, ຢູ່ເກີນເທີ ຄະນະຊາວໜຸ່ມນະຄອນໄດ້ຈັດຕັ້ງງານໂຮມຊຸມນຸມເພື່ອຕອບສະໜອງເຫດການນີ້ ແລະ ຍ້ອງຍໍຊົມເຊີຍ 10 ໝູ່ຄະນະ, ສ່ວນບຸກຄົນມີຜົນງານດີເດັ່ນໃນວຽກງານໂຄສະນາປ້ອງກັນ, ຕ້ານຢາເສບຕິດ.
ກ່າວຄຳເຫັນທີ່ພິທີ, ໂດຍຕາງໜ້າໃຫ້ໄວໜຸ່ມນະຄອນ ເກີນເທີ, ເລຂາຄະນະຊາວໜຸ່ມວິທະຍາໄລເສດຖະກິດ ເຕັກນິກເກີນເທີ, ທ່ານນາງຫງວຽນດວານຈິງ, ໃຫ້ຮູ້ວ່າ:
“ພາຍຫຼັງພິທີໂຮມຊຸມນຸມ, ພວກຂ້າພະເຈົ້າຈະເຂົ້າຮ່ວມກອງອາສາສະໝັກເພື່ອໂຄສະນາກ່ຽວກັບຜົນຮ້າຍກໍ່ຄືຜົນຮ້າຍຢ້ອນຫຼັງຢ່າງໜັກໜ່ວງຂອງຢາເສບຕິດ. ນອກຈາກນັ້ນກໍ່ຂົນຂວາຍບັນດາສະມາຊິກຄະນະຊາວໜຸ່ມເຂົ້າຮ່ວມບັນດາການເຄື່ອນໄຫວວັດທະນະທຳທີ່ປອດໄສ ເພື່ອປາສະຈາກຢາເສບຕິດ, ຊ່ວຍເຫຼືອ, ໜູນຊ່ວຍບັນດາເພື່ອນພາຍຫຼັງການບຳບັດຢາເສບຕິດມີການເຄື່ອນໄຫວເຊື່ອມຕົວເຂົ້າກັບວົງຄະນະຍາດ.”