ຂອງກອງປະຊຸມສຳມະນາວັດທະນະທຳ, ສິລະປະ
ດ້ວຍການສ້າງບຸກຄະລິກກະພາບມະນຸດ ຫວຽດນາມ
(ພາບ: thanhnien.com)
(vovworld) – ວັດທະນະທຳ, ສິລະປະດ້ວຍການສ້າງບຸກຄະລິກກະພາບມະນຸດ ຫວຽດນາມ ນັ້ນແມ່ນຫົວຂໍ້ຂອງກອງປະຊຸມສຳມະນາທົ່ວປະເທດ ຖືກໄຂຂຶ້ນໃນຕອນເຊົ້າວັນທີ 3/10 ຢູ່ນະຄອນໂຮ່ຈີມິນ. ໂດຍໄດ້ດຳເນີນເປັນເວລາ 2 ວັນ, ກອງປະຊຸມສຳມະນາປຶກສາຫາລືກ່ຽວກັບດ້ານທິດສະດີ, ອະທິບາຍການພົວພັນລະຫວ່າງບົດບາດຂອງວັນນະຄະດີ, ສິລະປະກັບການສ້າງບຸກຄະລິກກະພາບມະນຸດຫວຽດນາມ; ບັນດາບັນຫາທີ່ໄດ້ວາງອອກໃນພຶດຕິກຳຕົວຈິງມີຫົວຄິດປະດິດສ້າງວັນນະຄະດີ, ສິລະປະ ຫວຽດນາມ; ບົດບາດ, ຄວາມຮັບຜິດຊອບຂອງຖັນແຖວເຄື່ອນໄຫວໃນຂົງເຂດວັນນະຄະດີ, ສິລະປະ. ກອງປະຊຸມສຳມະນາ ກໍເປັນເວທີປາໄສ ເພື່ອບັນດານັກວິທະຍາສາດປຶກສາຫາລື, ຕີລາຄາຕົວຈິງບັນຫາບຸກຄະລິກກະພາບໃນຊີວິດສັງຄົມ ແລະ ຊີວິດວັນນະຄະດີ, ສິລະປະຢູ່ ຫວຽດນາມ ໃນປະຈຸບັນ. ທ່ານຮອງສາດສະດາຈານ - ດຣ ດ່າວຢູຍກວາດ, ຮອງປະທານຜູ້ປະຈຳການສະພາທິດສະດີ, ຕຳໜີວິຈານວັນນະຄະດີ, ສິລະປະໃຫ້ຮູ້ວ່າ:
“ພວກຂ້າພະເຈົ້າໄດ້ຮັບບົດທາບທາມຄວາມເຫັນເກືອບ 100 ບົດ. ນີ້ແມ່ນການປະຊຸມສຳມະນາທີ່ມີຜູ້ເຂົ້າຮ່ວມຂຽນບົດທາບທາມຄວາມເຫັນໃຫຍ່ສຸດ. ຫລາຍບົດທາບທາມຄວາມເຫັນກ່ຽວກັບດ້ານທິດສະດີການພົວພັນລະຫວ່າງວັນນະຄະດີກັບບຸກຄະລິກກະພາບຢ່າງແໜ້ນແຟ້ນເລິກເຊິ່ງທີ່ສຸດ. ພິເສດແມ່ນການກະທົບຂອງວັນນະຄະດີທີ່ມີຕໍ່ການສ້າງບຸກຄະລິກກະພາບມະນຸດ”.