ວັນບຸກຄະລາກອນ ຫວຽດນາມ 2016
ດຳເນີນໃນວັນທີ 11/12 ຢູ່ ຮ່າໂນ້ຍ
(vovworld) - ດ້ວຍຫົວຂໍ້ວ່າ “ການຄຸ້ມຄອງບຸກຄະລາກອນໄລຍະເລີ່ມດຳເນີນອາຊີບ“,ວັນບຸກຄະລາກອນ ຫວຽດນາມ ແມ່ນເວທີປາໄສເປີດ ເພື່ອປຶກສາຫາລືບັນດາຫົວຂໍ້ກ່ຽວກັບບຸກຄະລາກອນໃຫຍ່ທີ່ສຸດຢູ່ ຫວຽດນາມ, ເຊື່ອມຕໍ່ນັກທຸລະກິດກັບປະຊາຄົມບຸກຄະລາກອນໃນທົ່ວປະເທດ, ແມ່ນໂອກາດເພື່ອຊ່ວຍບັນດາວິສາຫະກິດ, ນັກທຸລະກິດ ແລະ ວົງການບຸກຄະລາກອນພາຍໃນປະເທດແບ່ງປັນຄວາມຮູ້, ບົດຮຽນ ແລະ ຊອກຫາບັນດາມາດຕະການໃນຂົງເຂດຄຸ້ມຄອງບຸກຄະລາກອນພາຍໃນ ແລະ ພາຍຫຼັງວິກິດການ, ເຮັດໃຫ້ວິສາຫະກິດມຸ່ງໄປເຖິງອະນາຄົດຢ່າງໝັ້ນຄົງ. ທ່ານ ເລກວນ, ຫົວໜ້າຄະນະຈັດຕັ້ງວັນບຸກຄະລາກອນ ຫວຽດນາມ 2016, ໃຫ້ຮູ້ວ່າ:
“ປີນີ້ຖືເອົາຫົວຂໍ້ວ່າ“ການຄຸ້ມຄອງບຸກຄະລາກອນໄລຍະເລີ່ມດຳເນີນອາຊີບ“ ເພື່ອແນໃສ່ແກ້ໄຂບັນດາບັນຫາແມ່ນ, ໃນວິວັດແຫ່ງການເລີ່ມດຳເນີນອາຊີບ, ເຈົ້າຂອງວິສາຫະກິດ ແລະ ບັນດານັກຄຸ້ມຄອງວິສາຫະກິດຕ້ອງມີຄວາມເອົາໃຈໃສ່ເຖິງບັນຫາໃດ. ຈຸດໝາຍແມ່ນສຸມໃສ່ແກ້ໄຂຄວາມຫຍຸ້ງຍາກ, ຄວາມຕິດຂັດ ແລະ ວາງບັນດາມາດຕະການແກ້ໄຂເພື່ອໜູນຊ່ວຍໃຫ້ບັນດາເຈົ້າຂອງວິສາຫະກິດຂະໜາດນ້ອຍ ແລະ ກາງໃນໄລຍະຫາກໍ່ສ້າງຕັ້ງລະບົບຄຸ້ມຄອງບຸກຄະລາກອນຂອງຕົນ, ສ້າງການພົວພັນຄູ່ຮ່ວມມື, ການຮັບສະໝັກບຸກຄະລາກອນໃນເງື່ອນໄຂແຫຼ່ງຊັບພະຍາກອນມະນຸດຍັງຫຍຸ້ງຍາກ, ແລະ ຮັບປະກັນເຄົາລົບກົດໝາຍວ່າດ້ວຍແຮງງານ“.