ວັນບຸນທ່ອງທ່ຽວນະຄອນ ໂຮ່ຈີມິນ ດຶງດູດແຂກທ່ອງທ່ຽວເປັນຈຳນວນຫຼວງຫຼາຍ
ທ່ານ ເລເຈືອງຮ່ຽນຮ່ວາ, ຜູ້ອຳນວຍການສູນສົ່ງເສີມການທ່ອງທ່ຽວນະຄອນ ໂຮ່ຈີມິນ ທີ່ການປະຊຸມຂ່າວ
|
(vovworld) – ພາຍຫຼັງຈັດຕັ້ງເປັນເວລາ 4 ວັນ, ວັນບຸນທ່ອງທ່ຽວ ນະຄອນ ໂຮ່ຈີມິນ ປີ 2017 ໄດ້ອັດລົງໃນຕອນຄ່ຳວັນທີ 26/3. ວັນບຸນທ່ອງທ່ຽວນະຄອນ ໂຮ່ຈີມິນ ປີ 2017 ດຶງດູດແຂກເຂົ້າຢ້ຽມຢາມປະມານ 350.000 ເທື່ອຄົນ, ຍອດລາຍຮັບຈາກການຂາຍບັນດາລາຍການທ່ອງທ່ຽວບັນລຸປະມານ 60 ຕື້ດົ່ງ. ທ່ານ ເລເຈືອງຮ່ຽນຮ່ວາ, ຜູ້ອຳນວຍການສູນສົ່ງເສີມການທ່ອງທ່ຽວນະຄອນ ໂຮ່ຈີມິນ, ໃຫ້ຮູ້ວ່າ: ເຫດການນີ້ປະກອບສ່ວນເພີ່ມທະວີການສົ່ງເສີມການທ່ອງທ່ຽວພາຍໃນປະເທດ, ໂຄສະນາ, ແນະນຳສະຖານທີ່ທ່ອງທ່ຽວໃໝ່:
“ວັນບຸນທ່ອງທ່ຽວປີນີ້ບັນລຸໄດ້ໝາກຜົນທີ່ດີຫຼາຍຢ່າງ. ນັ້ນແມ່ນຈຳນວນແຂກເຂົ້າຮ່ວມວັນບຸນນີ້ຫຼາຍກ່ວາທຸກປີ, ມີປະມານ 6000 ເທື່ອຄົນມາຊື້ລາຍການທ່ອງທ່ຽວ. ວັນບຸນປີນີ້ໄດ້ຮັບການຈັດຕັ້ງຢູ່ສະຖານທີ່ໃໝ່, ສ້າງຄວາມສະດວກໃຫ້ແຂກເຂົ້າຊົມ ດັ່ງນັ້ນຈຶ່ງດຶງດູດນັກທ່ອງທ່ຽວມາຊື້ລາຍການທ່ອງທ່ຽວໄດ້ຫຼາຍກ່ວາ.”