(vovworld) – ວັນທີ 28/12, ຢູ່ນະຄອນ ໂຮ້ຍອານ, ບໍລິສັດຫຸ້ນສ່ວນແພໄໝ ກວາງນາມ ສົມທົບກັບສະຫະສະມາຄົມອາຊີບຕຳແພໄໝ ຍີ່ປຸ່ນ ຈັດຕັ້ງວັນບຸນວັດທະນະທຳແພໄໝ ຫວຽດນາມ - ອາຊຽນ ເພື່ອແນໃສ່ແນະນຳ ແລະ ເຊີດຊູຜະລິດຕະພັນບັນດາໝູ່ບ້ານອາຊີບຕຳ່ແພໄໝທີ່ດີເດັ່ນຂອງ ຫວຽດນາມ ແລະ ອາຊີຕາເວັນອອກສ່ຽງໃຕ້. ວັນບຸນ ແມ່ນບ່ອນເຕົ້າໂຮມບັນດານາຍຊ່າງຕ່ຳແພໄໝຂອງໝູ່ບ້ານແພໄໝດີເດັ່ນ 7 ແຫ່ງຂອງທົ່ວປະເທດຄື: ວ້ານຟຸກ, ຟູ່ງຊ໋າ (ຮ່າໂນ້ຍ), ໝ້າເຈົາ (ກວາງນາມ)… ທ່ານເລທ໋າຍຫວູ, ຜູ້ອຳນວຍການໃຫຍ່ບໍລິສັດຫຸ້ນສ່ວນແພໄໝ ກວາງນາມ, ໃຫ້ຮູ້ວ່າ:
“ຜ່ານວັນບຸນນີ້, ພວກຂ້າພະເຈົ້າທອດຖອນໄດ້ບົດຮຽນຫຼາຍຢ່າງຕື່ມອີກຈາກບັນດາຜູ້ທີ່ບັນລຸຜົນສຳເລັດກໍ່ຄືແບ່ງປັນບົດຮຽນອັນລ້ຳຄ່າຈາກບັນດາໝູ່ບ້ານອາຊີບແຕ່ເໜືອຮອດໃຕ້. ຜ່ານວັນບຸນວັດທະນະທຳແພໄໝ ຫວຽດນາມ ແລະ ອາຊຽນ, ທຸກຄົນຈະໄດ້ເບິ່ງຄືນກ່ຽວກັບຂະແໜງແພໄໝ ຫວຽດນາມ ໃນປະຈຸບັນ ແລະ ສ້າງປະຖົມປັດໄຈໃຫ້ແກ່ການພັດທະນາໃນອະນາຄົດ.”