(ພາບປະກອບຈາກ phuotbui.org)
(vovworld) – ຕອນເຊົ້າວັນທີ 29/5, ຢູ່ເມືອງ ໂມກເຈົາ, ແຂວງ ເຊີນລາ ໄດ້ຈັດຕັ້ງວັນບຸນເກັບໝາກໄມ້ເມືອງ ໂມກເຈົາ ຄັ້ງທີ 10 ປີ 2016 ດ້ວຍຫົວຂໍ້ວ່າ “ໝາກໝັ້ນໂມກເຈົາ”. ເລື່ອງຈັດຕັ້ງວັນບຸນເກັບໝາກໄມ້ບໍ່ພຽງແຕ່ແມ່ນໂອກາດເພື່ອແນະນຳ, ໂຄສະນາໝາກໝັ້ນ ໂມກເຈົາ ເທົ່ານັ້ນ, ຫາກຍັງແມ່ນໂອກາດເພື່ອໃຫ້ເຂົາເຈົ້າໄດ້ພົບປະແລກປ່ຽນ ບົດຮຽນໃນການປູກ, ບົວລະບັດຕົ້ນໝາກໝັ້ນ. ນອກຈາກຈຸດພົ້ນເດັ່ນແມ່ນການແຂ່ງຂັນເກັບໝາກໝັ້ນ ແລະ ກິນໝາກໝັ້ນໃນສວນທີ່ສະຫງວນໃຫ້ແຂກທ່ອງທ່ຽວແລ້ວ, ວັນບຸນເກັບໝາກໝັ້ນໂມກເຈົາປີນີ້ຍັງມີການເຄື່ອນໄຫວກິລາພື້ນເມືອງ, ການລະຫຼິ້ນພື້ນເມືອງຕ່າງໆອີກ… ອັນໄດ້ສ້າງຈຸດວັດທະນະທຳທີ່ເປັນເອກະລັກສະເພາະ, ດ້ວນບັນຍາກາດຟົດຟື້ນ, ມ່ວນຊື່ນ, ດຶງດູດແຂກທ່ອງທ່ຽວມາຢຽມເຂດພູພຽງ ໂມກເຈົາ. ເອື້ອຍ ຫງວຽນທິແທງຖູຍ, ແຂກທ່ອງທ່ຽວມາຈາກ ຮ່າໂນ້ຍ, ໃຫ້ຮູ້ວ່າ:
“ນີ້ເປັນຄັ້ງທຳອິດທີ່ຂ້າພະເຈົ້າໄດ້ເຂົ້າຮ່ວມງານບຸນເກັບໝາກໝັ້ນຢູ່ເມືອງ ໂມກເຈົາ, ແຂວງ ເຊີນລາ. ເຂົ້າຮ່ວມງານບຸນນີ້, ໄດ້ຢ້ຽມຢາມ ແລະ ເກັບໝາກໝັ້ນຕົວຈິງແມ່ນມ່ວນຫຼາຍ. ຫວັງວ່າຄະນະຈັດຕັ້ງຈະຈັດຕັ້ງງານບຸນຄືແນວນີ້ເປັນປະຈຳປີ ເພື່ອໃຫ້ແຂກທ່ອງທ່ຽວມີໂອກາດເຂົ້າຮ່ວມຫຼາຍກ່ວາອີກ.”