ວັນມ໋ຽວ - ກວກຕື້ຢ໋າມ ແມ່ນປູຊະນີຍະສະຖານລະດັບຊາດພິເສດ
(vovworld) – ຕອນຄຳ່ວັນທີ 25/2, ຢູ່ຮ່າໂນ້ຍ, ໄດ້ດຳເນີນພິທີຮັບໃບຢັ້ງຢືນປູຊະນີຍະສະຖານ ວັນມ໋ຽວ - ກວກຕື້ຢ໋າມ ເປັນປູຊະນີຍະສະຖານລະດັບຊາດພິເສດ ແລະ ໃບຢັ້ງຢືນ ແຜ່ນສີລາ ປະລິຍາເອກ 82 ແຜ່ນໃນສະໄໝລາດຊະວົງ ເລມາກ (1442 - 1779) ຢູ່ ວັນມ໋ຽວ - ກວກຕື້ຢ໋າມ ເຊິ່ງແມ່ນມໍລະດົກໂລກ. ກ່າວຄຳເຫັນນະພິທີ, ທ່ານຮອງນາຍົກລັດຖະມົນຕີ ຫວຽດນາມ ຫງວຽນທ້ຽນເຍີນ ຖືວ່າ: ນີ້ແມ່ນຄວາມເປັນກຽດ ແລະ ແມ່ນຄວາມຮັບຜິດຊອບອັນໃຫຍ່ຫຼວງຂອງປະຊາຊົນນະຄອນຫຼວງ ເວົ້າສະເພາະ ແລະ ປະຊາຊົນໃນທົ່ວປະເທດ ເວົ້າລວມ. ໃນຊຸມປີຜ່ານມາ, ວັນມ໋ຽວ - ກວກຕື້ຢ໋າມ ແມ່ນສະຖານທີ່ຢ້ຽມຊົມ, ຊອກຮູ້, ຮຳ່ຮຽນຂອງປະຊາຊົນທັງຢູ່ພາຍໃນປະເທດ ແລະ ແຂກສາກົນ ພ້ອມກັບປະມຸກລັດສາກົນຫຼາຍທ່ານ. ທ່ານຮອງນາຍົກລັດຖະມົນຕີ ຫງວຽນທ້ຽນເຍີນ ເນັ້ນໜັກວ່າ:
“ການນຳນະຄອນຫຼວງ, ຂະແໜງວັດທະນະທຳ, ສຶກສາ ນະຄອນຫຼວງ, ແຕ່ລະຄອບຄົວ ແລະ ປະຊາຊົນນະຄອນຫຼວງ ຈະມີຂໍ້ລິເລີ່ມ ແລະ ວິທີປະຕິບັດສະເພາະຂອງຕົນ ເພື່ອໃຫ້ຊາວໜຸ່ມນະຄອນຫຼວງ ເວົ້າສະເພາະ ແລະ ຊາວໜຸ່ມຫວຽດນາມ ເວົ້າລວມ ເຂົ້າໃຈເລິກເຊິ່ງກ່ວາ, ມີຄວາມເອກອ້າງທະນົງໃຈກ່ວາ ກ່ຽວກັບ ວັນມ໋ຽວ - ກວກຕື້ຢ໋າມ, ກ່ຽວກັບມູນເຊື້ອມັກການຮຽນ ເພື່ອປົກປັກຮັກສາ ແລະ ພັດທະນາປະເທດຊາດ, ພັດທະນາບ້ານເກີດເມືອງນອນ ແລະ ແຕ່ລະຄອບຄົວ”
ວັນມ໋ຽວ - ກວກຕື້ຢ໋າມ ໄດ້ຮັບການສ້າງຕັ້ງຂຶ້ນແຕ່ສະຕະວັດທີ 11, ຕົ້ນເດືອນ 3/2010, ແຜ່ນສີລາ 82 ແຜ່ນຢູ່ ວັນມ໋ຽວ - ກວກຕື້ຢ໋າມ ໄດ້ຮັບການຮັບຮອງຈາກ ອົງການ UNESSCO ເປັນມໍລະດົກໂລກ ພາກພື້ນ ອາຊີ - ປາຊີຟິກ, ຮອດເດືອນ 7/2011, ແຜ່ນສີລາ 82 ແຜ່ນໄດ້ຮັບການຮັບຮອງເປັນມໍລະດົກໂລກອີກເທື່ອໜຶ່ງ.