(vovworld) – ຕອນບ່າຍວັນທີ 10/8, ສະມາຄົມມິດຕະພາບ ຍີ່ປຸ່ນ - ຫວຽດນາມ ໄດ້ຈັດຕັ້ງ “ວັນສີສົ້ມ ຫວຽດນາມ” ຄັ້ງທີ 3 ຢູ່ຫໍວັດທະນະທຳ Musashino ທີ່ນະຄອນຫຼວງ ໂຕກຽວ. ນີ້ແມ່ນການເຄື່ອນໄຫວທີ່ມີຄວາມໝາຍຂອງສະມາຄົມມິດຕະພາບ ຍີ່ປຸ່ນ - ຫວຽດນາມ ກ່ຽວກັບການຮ່ວມແຮງຮ່ວມໃຈແບ່ງປັນຄວາມເຈັບປວດຈາກທາດພິດສີສົ້ມ ຫວຽດນາມ, ໃນປີມິດຕະພາບ ຍີ່ປຸ່ນ - ຫວຽດນາມ 2013. ດ້ວຍຫົວຂໍ້ “ສົງຄາມ ຫວຽດນາມ ບໍ່ທັນສິ້ນສຸດ”, ຄະນະຈັດຕັ້ງລາຍການໄດ້ຍົກອອກສານແຫ່ງສັນຕິພາບ, ວິໄສທັດທີ່ຈະແຈ້ງກ່ວາກ່ຽວກັບບັນດາຜົນຮ້າຍຢ່ອນຫຼັງຂອງທາດພິດສີສົ້ມ/ ດີໂອຊິນ ເຊິ່ງກອງທັບ ອາເມລິກາ ໄດ້ນຳໃຊ້ໃນປາງສົງຄາມຢູ່ ຫວຽດນາມ, ກໍ່ຄືຄວາມເຈັບປວດທີ່ບໍ່ມີຫຍັງສາມາດຊົດເຊີຍໄດ້ ຂອງບັນດາຜູ້ປະສົບເຄາະຮ້າຍຈາກທາດພິດສີສົ້ມ. ເນື້ອໃນ “ວັນສີສົ້ມ ຫວຽດນາມ” ຄັ້ງທີ 3 ລວມມີ 3 ພາກຕົ້ນຕໍ່ຄື: ສາຍຮູບເງົາ, ຈັດກອງປະຊຸມສຳມະນາທີ່ມີຫົວຂໍ້ກ່ຽວກັບທາດພິດສີສົ້ມ/ ດີໂອຊິນ ແລະ ການສະແດງດົນຕີປະສານສຽງເພື່ອການກູ້ສົນ.