(VOVWORLD) - ວັນທີ 20 ເມສາ, ຢູ່ຕາແສງ ຝົງລາຍ, ເມືອງທ້ວນເຈົາ, ແຂວງເຊີນລາ, ສູນກາງສະພາກາແດງ ຫວຽດນາມ ໄດ້ຈັດ “ວິວັດການມະນຸດສະທຳ - ມອບຮັບຄວາມຮັກແພງ” ປີ 2024.
 ບັນດາທ່ານໝໍໄດ້ກວດພະຍາດ, ໃຫ້ຄຳປຶກສາກ່ຽວກັບການຮັກສາສຸຂະພາບ ໂດຍບໍ່ເກັບຄ່າ (ພາບ: TTXVN) |
ໃນລາຍການ, ບັນດາທ່ານໝໍໄດ້ກວດພະຍາດ, ໃຫ້ຄຳປຶກສາກ່ຽວກັບການຮັກສາສຸຂະພາບ ແລະ ແຈກຢາຍຢຸກຢາໂດຍບໍ່ເກັບຄ່າໃຫ້ແກ່ຜູ້ທຸກຍາກ, ຄອບຄົວເປົ້າໝາຍນະໂຍບາຍ, ຜູ້ມີອາຍຸສູງ, ຜູ້ມີຄຸນງາມຄວາມດີຕໍ່ການປະຕິວັດ ແລະ ຜູ້ປະສົບເຄາະຮ້າຍຈາກທາດພິດສີສົ້ມດີໂອຊິນລວມ 700 ຄົນ ຢູ່ບາງຕາແສງຂອງເມືອງ ທ້ວນເຈົາ.
ກໍໃນວັນດຽວກັນ, ຢູ່ບ້ານ ເຄົາໄລ, ຕາແສງ ຝົງລາຍ, ເມືອງ ທ້ວນເຈົ້າ, ສະພາກາແດງ ແຂວງເຊີນລາ ແລະ ສະພາກາແດງ ເມືອງ ທ້ວນເຈົາ ກໍໄດ້ຈັດພິທີເປີດນຳໃຊ້ ແລະ ມອບ - ຮັບເຮືອນສະພາກາແດງຫຼັງໜຶ່ງໃຫ້ແກ່ຄອບຄົວປະສົບກັບຄວາມຫຍຸ້ງຍາກ.
ກ່ອນໜ້ານັ້ນ, ບັນດາສະມາຊິກໃນຄະນະໄດ້ໄປຖະຫວາຍທູບທຽນ ຢູ່ທີ່ອະນຸສາວະລີ “ປະທານ ໂຮ່ຈີມິນ ກັບພໍ່ແມ່ປະຊາຊົນບັນດາເຜົ່າເຂດ ໄຕບັກ” ແລະ ຖະຫວາຍທູບທຽນຢູ່ ວິຫານບູຊາປະທານ ໂຮ່ຈີມິນ ຢູ່ສະໜາມຫຼວງ ໄຕບັກ, ນະຄອນເຊີນລາ, ແຂວງ ເຊີນລາ.