ວິວັດຂະບວນການເຈລະຈາລະຫວ່າງ ບັນດາຝ່າຍຢູ່ລີບີພວມມີຄວາມຄືບໜ້າຢ່າງຕັ້ງໜ້າ
(VOVWORLD) - ວັນທີ 4 ຕຸລາ, ທ່ານນາງ Stephanie Williams ຜູ້ຕາງໜ້າພິເສດຂອງ ສປຊ ກ່ຽວກັບ ລີບີ ໄດ້ສະແດງຄວາມຊົມເຊີຍຕໍ່ຄວາມຄືບໜ້າຢ່າງຕັ້ງໜ້າໃນບັນດາການເຈລະຈາ ລະຫວ່າງ ບັນດາຝ່າຍເຂົ້າຮ່ວມສົງຄາມຢູ່ ລີບີ ທີ່ໄດ້ດຳເນີນຢູ່ນະຄອນ Hurghada ຂອງເອີຢິບ.
 ການເຈລະຕາລະຫວ່າງສອງຝ່າຍກົງກັນຂ້າມກັນ ຢູ່ລີບີ (ພາບ: AFP/TTXVN) |
ຕາມທ່ານນາງ Stephanie Williams ແລ້ວ, ບັນດາຝ່າຍເຈລະຈາ ລີບີ ສາມາດສ້າງຄວາມໄວ້ເນື້ອເຊື່ອໃຈເຊິ່ງກັນແລະກັນໄດ້. ທ່ານນາງ Stephanie Williams ກໍ່ສະແດງຄວາມຫວັງວ່າ ບັນດາການເຈລະຈາຈະສິ້ນສຸດດ້ວຍຂໍ້ຕົກລົງວ່າດ້ວຍການຢຸດຍິງໃນໄລຍະຍາວ.
ບັນດາການເຈລະຈາກ່ອນນັ້ນຢູ່ Hurghada ເຊິ່ງໄດ້ດຳເນີນໃນທ້າຍເດືອນກັນຍາ ໄດ້ເຫັນປະຈັກຕາຂໍ້ຕົກລົງລະຫວ່າງ ບັນດາຝ່າຍຢູ່ ລີບີ ເພື່ອແນໃສ່ປ່ອຍນັກໂທດ ທັງໝົດ ແລະ ປົກປ້ອງບັນດາຮາກຖານ ນ້ຳມັນອາຍແກັດ ຂອງປະເທດ ລີບີ ເພື່ອເຊື່ອມຕໍ່ບັນດາການເຄື່ອນໄຫວຜະລິດ ແລະ ສົ່ງອອກຜະລິດຕະພັນຍຸດທະສາດນີ້.