ກອງທຶນລົງທຶນ ແລະ GREEN (ໂຮນລັງ) ອຸປະຖຳທຶນຂຶ້ນເຖິງ 25 ລ້ານ USD ໃຫ້ແກ່ບໍລິສັດຫຸ້ນສ່ວນ ຝຸກຊິງ (Phuc Sinh Corporation) ເພື່ອພັດທະນາລະບົບມູນຄ່າກາເຟ(ພາບ: TTXVN)

ກອງທຶນລົງທຶນ ແລະ GREEN (ໂຮນລັງ) ຫາກໍ່ປ່ອຍເງິນລົງທຶນ ແລະ ຄາດການອຸປະຖຳທຶນຂຶ້ນເຖິງ 25 ລ້ານ USD ໃຫ້ແກ່ບໍລິສັດຫຸ້ນສ່ວນ ຝຸກຊິງ (Phuc Sinh Corporation) ໜຶ່ງໃນບັນດາບໍລິສັດສົ່ງອອກກາເຟ ແລະ ໝາກພິກໄທ ຫວຽດນາມ ເດີນຕາມເສັ້ນທາງພັດທະນາແບບຍືນຍົງ, ເພື່ອພັດທະນາລະບົບມູນຄ່າກາເຟ ແບບຍືນຍົງໂດຍບໍ່ທຳລາຍປ່າ. ກອງທຶນລົງທຶນ ແລະ GREEN ຈະສະໜອງເງິນຕາໃຫ້ແກ່ບໍລິສັດ ຝຸກຊິງ ເພື່ອຊຸກຍູ້ວິວັດການຫັນປ່ຽນຂະແໜງກະສິກຳມຸ່ງໄປເຖິງລະບົບມູນຄ່າກາເຟແບບຍືນຍົງແຕ່ບໍ່ທຳລາຍປ່າ. ນີ້ແມ່ນບ້ວງເງິນລົງທຶນທຳອິດຂອງ ກອງທຶນລົງທຶນ ແລະ GREEN ເຂົ້າວິສາຫະກິດ ຫວຽດນາມ, ສົ່ງສັນຍານຢ່າງຕັ້ງໜ້າໃຫ້ແກ່ຂະແໜງກະສິກຳ ຫວຽດນາມ ໃນການດຶງດູດບ້ວງເງິນລົງທຶນຮ່ວມສຳພັນແບບຍືນຍົງຈາກຕະຫຼາດການເງິນສາກົນ.

ທີ່ພິທີປະກາດຂໍ້ມູນອຸປະຖຳທີໄດ້ດຳເນີນໃນວັນທີ 15 ສິງຫາ, ຢູ່ນະຄອນໂຮ່ຈີມິນ ຜູ້ຕາງໜ້າການນຳບໍລິສັດຫຸ້ນສ່ວນ ຝຸກຊິງ ໃຫ້ຮູ້ວ່າ ດ້ວຍບ້ວງເງິນລົງທຶນໄລຍະຍາວ ແລະ ການໜູນຊ່ວຍຈາກກອງທຶນລົງທຶນ ແລະ GREEN, ຝຸກຊິງໃຫ້ຄຳໝັ້ນສັນຍາ ຈະຊຸກຍູ້ການຫັນປ່ຽນຂະແໜງກະສິກຳກາເຟຂອງ ຫວຽດນາມ ມຸ່ງໄປເຖິງບັນດາລະບົບສະໜອງອາດຈະຊອກຫາຕົ້ນກຳເນີດ, ບໍ່ທຳລາຍປ່າ. ບໍລິສັດຈະສຸມໃສ່ ການຍົກສູງຄຸນນະພາບ ແລະ ຄຸນຄ່າຂອງກາເຟ ຫວຽດນາມ ເມື່ອເປີດກວ້າງການຜະລິດ ແລະ ເຂົ້າເຖິງລູກຄ້າໃນທົ່ວໂລກ, ຜ່ານນັ້ນຊຸກຍູ້ບັນດາຜະລິດຕະພັນ ທີ່ໄດ້ຜະລິດແບບຍືນຍົງຂອງ ຫວຽດນາມ ໃນຂອບຂະໜາດທົ່ວໂລກ.