ວິສາຫະກິດ,ນັກທຸລະກິດປະກອບສ່ວນສຳຄັນເຂົ້າໃນການພັດທະນາປະເທດຊາດ
ທ່ານ ເວືອງດິ່ງເຮ້ວກ່າວຄຳເຫັນທີ່ພິທີ
(ພາບປະກອບ)
|
(vovworld) – ວິສາຫະກິດ, ນັກທຸລະກິດປະກອບສ່ວນສຳຄັນເຂົ້າໃນການພັດທະນາປະເທດຊາດ - ສິ່ງດັ່ງກ່າວໂດຍຫົວໜ້າຄະນະເສດຖະກິດສູນກາງ ເວືອງດິ່ງເຮ້ວ ຢັ້ງຢືນທີ່ເວທີປາໄສເລີ່ມດຳເນີນທຸລະກິດຫວຽດນາມ ດ້ວຍຫົວຂໍ້ “ຄວາມຫວັງດຳເນີນທຸລະກິດຫວຽດ”, ດຳເນີນໄປໃນຕອນເຊົ້າວັນທີ 9/6, ຢູ່ຮ່າໂນ້ຍ. ທ່ານ ເວືອງດິ່ງເຮ້ວ ຢັ້ງຢືນວ່າ: ພັກ ແລະ ລັດ ໄດ້ມີແຜນນະໂຍບາຍ, ນະໂຍບາຍສຳຄັນສົ່ງເສີມພັດທະນາວິສາຫະກິດ, ເສີມຂະຫຍາຍບົດບາດຂອງນັກທຸລະກິດ, ວິສາຫະກິດໃນພາລະກິດສ້າງສາ ແລະ ພັດທະນາປະເທດຊາດ. ລັດຖະບານກໍ່ປະກາດໃຊ້ກົດໝາຍ, ມະຕິ, ຂໍ້ຕົກລົງ ແລະ ເອກະສານນິຕິກຳຫຼາຍສະບັບເພື່ອແນໃສ່ສ້າງສະພາບແວດລ້ອມດຳເນີນທຸລະກິດສະດວກໃຫ້ປະຊາຄົມວິສາຫະກິດ, ໃນນັ້ນມີບັນດາວິສາຫະກິດຫາກໍ່ດຳເນີນທຸລະກິດ. ທ່ານ ເວືອງດິ່ງເຮ້ວ ເນັ້ນໜັກວ່າ: ພ້ອມກັບການເຕີບໃຫຍ່ຂອງວິສາຫະກິດ, ກຸ່ມບໍລິສັດໃຫຍ່, ບັນດາວິສາຫະກິດຂະໜາດກາງ ແລະ ນ້ອຍ, ວິສາຫະກິດເອກະຊົນນັບມື້ນັບພັດທະນາ, ແມ່ນກຳລັງໜູນສຳຄັນຂອງພື້ນຖານເສດຖະກິດ. ບົດຮຽນໃນການເລີ່ມດຳເນີນທຸລະກິດຂອງວິສາຫະກິດຢູ່ບັນດາປະເທດພັດທະນາແມ່ນບົດຮຽນອັນລ້ຳຄ່າເພື່ອໃຫ້ ຫວຽດນາມ ຮ່ຳຮຽນຕາມ.