(ພາບປະກອບ)
|
Vovworld- ພາຍຫຼັງພັກການເພື່ອຕ້ອນຮັບບຸນເຕັດຫວຽດນາມ, ບັນດາ ວິສາຫະກິດໃນບໍລິເວນ ນະຄອນ ໂຮ່ຈິມິນພວມ ຂຸ້ນຂ້ຽວລົງມືທຳການຜະລິດ ແລະ ມີວິສາຫະກິດຫຼາຍແຫ່ງໄດ້ມີໃບສັ່ງຊື້ສິນຄ້າຮອດທ້າຍເດືອນ 6 ປີນີ້. ໃນຊຸມມື້ຕົ້ນປີໃໝ່, ຢູ່ບໍລິສັດຫຸ້ນສ່ວນ ລອງເຊີນ, ມີວິສາຫະກິດປຸ່ງແຕ່ງໝາກມວງຫິມະພານເພື່ອສົ່ງອອກແຫ່ງໜຶ່ງ ພວມຂຸ້ນຂ້ຽວຫຸ້ມຫໍ່ສິນຄ້າເພື່ອສົ່ງໄປຂາຍໃຫ້ຕະຫຼາດຕາເວັນອອກກາງ ແລະ ອາເມລິກາ. ນີ້ກໍແມ່ນສິນຄ້າສົ່ງອອກງວດທຳອິດຂອງບໍລິສັດໃນປີໃໝ່ດ້ວຍມຸນຄ່າເກືອບ 100.000 USD. ສ່ວນບໍລິສັດ ເຕິນກວາງມິນ ຊຶ່ງແມ່ນວິສາຫະກິດຜະລິດນ້ຳດື່ມຢູ່ເຂດອຸດສາຫະກຳ ວິ້ງໂລກ, ນັບແຕ່ວັນທີ 15/2 (ກົງກັບວັນທີ 6 ບຸນເຕັດ) , ບັນດາກຳມະກອນໃນບໍລິສັດໄດ້ກັບຄືນສູ່ເຮັດວຽກເພື່ອກະກຽມໃຫ້ແກ່ນ້ຳຮັງນົກແອນ 5 container ງວດທຳອິດເພື່ອສົ່ງໄປຂາຍໃຫ້ອາເມລິກາ. ທ່ານຫງວຽນຊວນເຈືອງ ຫົວໜ້າພະແນກດຳເນີນທຸລະກິດ- ບໍລິສັດ ເຕິນກວາງມິນ ໃຫ້ຮູ້ວ່າ :
“ ໃນປີ 2013, ເພື່ອຮັກສາລະດັບການເຕີບໂຕເປັນຢ່າງດີ, ທາງບໍລິສັດເຕິນ ກວາງມິນ ໄດ້ປັບປຸງເຄືອຂ່າຍແຈກຢາຍ, ສົ່ງສິນຄ້າຫວຽດນາມໄປຍັງເຂດຊົນນະບົດ, ເປີດກ້ວາງຂອບເຂດຕະຫຼາດ. ນອກຈາກ 14 ຕະຫຼາດສົ່ງອອກທີ່ມີຢູ່ແລ້ວນັ້ນ, ບໍລິສັດ ເຕິນກວາງມິນ ຈະເປີດກ້ວາງຕະຫຼາດສົ່ງອອກຕື່ມອີກ, ເພີ່ມທະວີການຊອກຫາຄູ່ຮ່ວມມືຕ່າງປະເທດຜ່ານລະບົບຕ່າງໆ”