(vovworld) – ກອງ​ປະຊຸມ​ສຳ​ມະ​ນາ​ດ້ວຍ​ຫົວ​ຂໍ້​ວ່າ ວິ​ສາ​ຫະກິດ​ຂະໜາດ​ກາງ ​ແລະ ນ້ອຍຫວຽດນາມ - ລາວ - ​ໄທ ມຸ່ງ​ໄປ​ເຖິງ​ປະຊາ​ຄົມ​ເສດຖະກິດ​ອາ​ຊຽນ 2015 ຖືກ​ຈັດ​ຂຶ້ນ​ໃນ​ວັນ​ທີ 28/6, ຢູ່​ນະຄອນຫຼວງ​ວຽງ​ຈັນ. ນະ​ທີ່​ນີ້, ຜູ້ຕາງໜ້າ 3 ປະ​ເທດ​ທີ່​ເຂົ້າ​ຮ່ວມ​ກອງ​ປະຊຸມ​ສຳ​ມະ​ນາ ​ໄດ້​ຖື​ວ່າ ບັນດາວິ​ສາ​ຫະກິດ​ຂະໜາດ​ກາງ ​ແລະ ນ້ອຍຂອງ​ແຕ່ລະ​ປະ​ເທດ​ຄວນ​ມານະ​ພະຍາຍາມ​ກວ່າ​ອີກ ​ເພື່ອ​ຫຼຸດຜ່ອນ​ຄວາມ​ຜິດ​ໂຕນ​ກ່ຽວ​ກັບ​ລະດັບ​ຄວາມ​ຮູ້, ພິ​ເສດ​ແມ່ນ​ແຫຼ່ງຊັບພະຍາກອນ​ມະນຸດ ​ແລະ ​ເຕັກ​ໂນ​ໂລ​ຢີ. ຄຽງ​ຂ້າງ​ນັ້ນ, ຕ້ອງ​ເພີ່ມ​ທະວີ​ການ​ເຊື່ອມ​ຕໍ່, ຮ່ວມ​ມື, ​ແບ່ງປັນ​ຂໍ້​ມູນ, ບົດຮຽນ ​ເພື່ອ​ຊ່ວຍ​ເຫຼືອ​ກັນ​ຊຸກຍູ້​ການ​ຜະລິດ, ສູ້​ຊົນ​ບັນລຸ​ຈຸດໝາຍຮັດ​ແຄບ​ຊ່ອງ​ຫວ່າງ​ພັດທະນາ​ລະຫວ່າງ​ປະ​ເທດ​ຕ່າງໆ​ໂດ​ຍ​ໄວ​ເພື່ອ​ເພີ່ມ​ລັກສະນະ​ແກ່ງ​ແຍ່ງ. ບັນດາ​ຜູ້​ແທນ​ກໍ່​ສະ​ເໜີ​ລັດຖະບານ​ແຕ່ລະ​ປະ​ເທດ​ໜູນ​ຊ່ວຍ​ດ້ານ​ການ​ເງິນ, ຂໍ້​ມູນ, ການ​ບຳລຸງ​ສ້າງ…. ກໍ່​ຄື​ມີ​ບັນດາ​ນະ​ໂຍບາຍ​ຢ່າງ​ເໝາະ​ສົມ​ເພື່ອ​ໃຫ້​ບັນດາ​ວິ​ສາ​ຫະກິດ​ຂະໜາດ​ກາງ ​ແລະ ນ້ອຍມີ​ຄວາມ​ແກ່ງ​ແຍ່ງ​ຢ່າງ​ພຽງພໍ​ເພື່ອ​ຜ່ານ​ຜ່າ​ການ​ທ້າ​ທາຍ, ປະກອບສ່ວນ​ຊຸກຍູ້​ການ​ຜະລິດ​ພັດທະນາ ​ແລະ ​ເຊື່ອມ​ໂຍງ​ເສດຖະກິດ​ອາ​ຊຽນຢ່າງ​ມີ​ປະສິດທິ​ຜົນ.