ວິສາຫະກິດຫວຽດນາມຄຸ້ມຄອງຂັ້ນຕອນລ້ຽງປາຈາ,ປາບາຊາຢ່າງແໜ້ນແຟ້ນ
(ພາບປະກອບ)
(vovworld) - ຕາມກົດໝາຍ Farm Bill ກ່ຽວກັບໂຄງການຕິດຕາມກວດກາປາໜັງຂອງອາເມລິກາ ທີ່ຫາກໍປະກາດໃນວັນທີ 02/12 ຜ່ານມາ ແລະ ຈະມີຜົນບັງຄັບໃຊ້ໃນວັນທີ 01/03/2016 ນັ້ນ, ປາຈາ ແລະ ປາບາຊາ ຂອງຫວຽດນາມ ພຽງແຕ່ໄດ້ນຳເຂົ້າອາເມລິກາ ຖ້າພິສູດໄດ້ວ່າ ການລ້ຽງຢູ່ຫວຽດນາມ ຄ້າຍຄືກັນກັບການລ້ຽງຢູ່ ອາເມລິກາ. ປະຈຸບັນ, ສະຫະສະມາຄົມປຸງແຕ່ງ ແລະ ສົ່ງອອກສິນໃນນ້ຳຫວຽດນາມ (Vasep) ພວມກະກຽມບັນດາລະບຽບການຈຳເປັນ ເພື່ອໃຫ້ວຽກງານສົ່ງອອກປາໜັງໄປຍັງອາເມລິກາ ບໍ່ຖືກຕິດຂັດໃນໄລຍະຈະມາເຖິງ. ນອກຈາກນັ້ນ, Vasep ກໍຕັກເຕືອນບັນດາຮາກຖານຜະລິດ, ລ້ຽງປາຈາ ແລະ ປາບາຊາ ຕ້ອງປະຕິບັດບັນດາຂັ້ນຕອນລ້ຽງປາຕາມຂໍ້ກຳນົດທີ່ພວມປະກາດໃຊ້ຢ່າງເຂັ້ມງວດ. ທ່ານ ເຈືອງດິງແຮ່ວ, ເລຂາທິການສະຫະສະມາຄົມປຸງແຕ່ງ ແລະ ສົ່ງອອກສິນໃນນ້ຳຫວຽດນາມ ໃຫ້ຮູ້ວ່າ.
“ສິ່ງສຳຄັນແມ່ນຝ່າຍຜູ້ລ້ຽງປາ ຕ້ອງມີຄວາມລະມັດລະວັງໃນການນຳໃຊ້ຫົວອາຫານລ້ຽງໃນທ້ອງຕະຫຼາດ, ເພື່ອຮັບປະກັນນຳໃຊ້ຖືກຕາມຂໍ້ກຳນົດ. ເລື່ອງລ້ຽງປູກຖືກຕາມຂັ້ນຕອນ ຈະຮັບປະກັນໃຫ້ບັນດາຮາກຖານລ້ຽງປູກຂອງຫວຽດນາມ ບໍ່ຖືກຄວາມສ່ຽງກ່ຽວກັບບັນດາຂໍ້ກຳນົດດ້ານຕົ້ນກຳເນີດກ່ຽວກັບ, ຢາຊະນິດຕ່າງໆທີ່ນຳໃຊ້ໃນການລ້ຽງປູກ, ພາໄປເຖິງຄວາມຫຍຸ້ງຍາກໃນການຈຳໜ່າຍ”.