ວິສາຫະກິດຫວຽດນາມມີກາລະໂອກາດໃຫຍ່ເພື່ອສຳຜັດກັບຕະຫລາດອົດສະຕາລີ
(ພາບປະກອບ)
(vovworld) – “ວິສາຫະກິດ ຫວຽດນາມ ມີກາລະໂອກາດໃຫຍ່ເພື່ອສຳຜັດກັບຕະຫລາດ ອົດສະຕາລີ ” ນີ້ແມ່ນຄຳເຫັນໄດ້ຮັບການເຫັນດີເປັນເອກະພາບຂອງບັນດາຜູ້ແທນທີ່ເຂົ້າຮ່ວມກອງປະຊຸມສຳມະນາ “ກາລະໂອກາດລົງທຶນ ແລະ ສຳຜັດກັບຕະຫລາດ ອົດສະຕາລີ” ຖືກດຳເນີນໃນວັນທີ 11/05 ຢູ່ນະຄອນໂຮ່ຈີມິນ. ທ່ານ ຟ້າມງ້ອກຮືງ ຮອງປະທານສະຫະສະມາຄົມວິສາຫະກິດນະຄອນໂຮ່ຈີມິນ ໃຫ້ຮູ້ວ່າ: ປະຈຸບັນ ຫວຽດນາມ ພວມໄດ້ຮັບຜົນປະໂຫຍດ ຈາກອັດຕາພາສີພິເສດ ເຊິ່ງ ອົດສະຕາລີ ສະຫງວນໃຫ້ແກ່ບັນດາປະເທດ ອາຊຽນ ໂດຍຜ່ານສັນຍາການຄ້າເສລີ ອາຊຽນ - ອົດສະຕາລີ - ນິວຊີແລນ (AANZFTA). ເຖິງຢ່າງໃດກໍຕາມ, ເມື່ອ TPP ມີຜົນສັກສິດ, ວິສາຫະກິດ ຫວຽດນາມ ຈະສືບຕໍ່ມີເງື່ອນໄຂສະດວກກ່ວາ ເພື່ອເພີ່ມທະວີການສຳຜັດກັບຕະຫລາດ ອົດສະຕາລີ. ນີ້ກໍ່ແມ່ນພື້ນຖານເພື່ອຊຸກຍູ້ການພົວພັນການລົງທຶນ, ການຄ້າລະຫວ່າງ ຫວຽດນາມ ແລະ ອົດສະຕາລີ. ສ່ວນຜູ້ຕາງໜ້າອຳນາດການປົກຄອງລັດ Victoria (ອົດສະຕາລີ) ກໍ່ຢືນຢັນວ່າ: ວິສາຫະກິດ ຫວຽດນາມ ສາມາດຮ່ວມການລົງທຶນເຂົ້າໃນບາງຂົງເຂດທີ່ມີຄວາມສາມາດບົ່ມຊ້ອນຂອງລັດ Victoria ຄື: ການກໍ່ສ້າງ - ອະສັງຫາລິມະຊັບ, ການເງິນ, ການບໍລິການເສີມສວຍ…