ວິສາຫະກິດຫວຽດນາມເຂົ້າຮ່ວມງານຕະຫຼາດນັດ Indus Food 2019 ຢູ່ອິນເດຍ
(VOVWORLD) -ວັນທີ 14 ມັງກອນ, ງານຕະຫຼາດນັດວາງສະແດງອາຫານການກິນ ແລະ ເຄື່ອງດື່ມອິນເດຍ (Indus Food 2019) ຖືກໄຂຂຶ້ນຢ່າງເປັນທາງການ ຢູ່ສູນງານຕະຫຼາດນັດວາງສະແດງ India Exposition Mart, ນະຄອນ Greater, ລັດ Uttar Pradesh, ທາງພາກເໜືອປະເທດອິນເດຍ. ງານວາງສະແດງຖືກດຳເນີນໃນລະຫວ່າງວັນທີ 14 – 15 ມັງກອນ.
|
 ວິສາຫະກິດຫວຽດນາມເຂົ້າຮ່ວມງານຕະຫຼາດນັດ Indus Food 2019 ຢູ່ອິນເດຍ
(ພາບ: dangcongsan.vn)
|
ບັນດາບໍລິສັດຫວຽດນາມ ທີ່ມາຈາກ 3 ເຂດພາກໄດ້ຕັ້ງໜ້າເຂົ້າຮ່ວມວາງສະແດງບັນດາຜະລິດຕະພັນຄື: ເຂົ້າໜົມ, ເຄື່ອງດື່ມ, ນ້ຳໝາກໄມ້… ດ້ວຍຄວາມຫວັງຢາກແນະນຳບັນດາຜະລິດຕະພັນຂອງຫວຽດນາມ ເຖິງປະຊາຊົນ ແລະ ບັນດາບໍລິສັດນຳເຂົ້າຂອງອິນເດຍ. ພິເສດ, ໃນຂອບເຂດງານຕະຫຼາດນັດຍັງດຳເນີນການໂອ້ລົມສົນທະນາລະຫວ່າງຫວຽດນາມ ແລະ ອິນເດຍ ໂດຍມີການເຂົ້າຮ່ວມຂອງບັນດາເຈົ້າໜ້າທີ່ຂຶ້ນກັບບັນດາກະຊວງຄື: ກະຊວງການຕ່າງປະເທດ, ກະຊວງກະສິກຳ ແລະ ອຸດສາຫະກຳການຄ້າຂອງ 2 ປະເທດ.